ইউনিফৰ্মৰ শক্তি দেখুৱাই বিভিন্ন সময়ত আৰক্ষীয়ে আইনৰ অপব্যৱহাৰ কৰি সাধাৰণ লোকৰ ওপৰত বৰ্বৰ নিৰ্যাতন চলোৱাৰ ঘটনা প্ৰায়ে পোহৰলৈ আহে। এইবাৰ আকৌ পোহৰলৈ আহিছে আৰক্ষীয়ে ক্ষমতাৰ অপব্যৱহাৰ কৰি এগৰাকী যুৱতীৰ ওপৰত চলোৱা যৌন আতিশাৰ্য্যৰ কথা।
এই ঘটনা ব্ৰিটেনৰ। ২০২০ চনত দক্ষিণ ইয়ৰ্কশ্বাৰত অনুষ্ঠিত এক অনুষ্ঠানত ব্ৰিটেনত এগৰাকী যুৱতীৰ ওপৰত অকথ্য যৌন নিৰ্যাতন চলোৱা অভিযোগ উঠিছিল। অভিযোগ অনুসৰি প্ৰথমে ব্ৰিটেইনৰ এখন পাবত এগৰাকী আৰক্ষী বিষয়াই এগৰাকী যুৱতীৰ শৰীৰত এগিলাচ বীয়েৰ ঢালি দিছিল। তাৰপিছৰ আৰক্ষীজনে যুৱতীগৰাকীৰ টিচাৰ্ট দাঙি মোবাইলত বন্দী কৰিছিল অৰ্ধ উলংগ দৃশ্য। কৰিছিল অশালীন মন্তব্য।
শেহতীয়াকৈ এই ঘটনাৰ বাবে আৰক্ষী বিষয়াজনক দোষী সাব্যস্ত কৰি শাস্তি প্ৰদান কৰা হয়। ৪৬ বছৰীয়া আৰক্ষী বিষয়াগৰাকীৰ নাম পল হিঞ্চক্লিফ। জানিব পৰা মতে বিষয়াগৰাকী বিবাহিত আৰু চাৰিটা সন্তানৰ পিতৃ।
আনহাতে ভুক্তভোগীৰ যুৱতীগৰাকীৰ বয়স ১৮ বছৰ। কিছুদিন পূৰ্বে ব্ৰিটেইনৰ লিডছ ক্রাউন ক’ৰ্টে এই গোচৰৰ নিষ্পত্তি কৰিছে। ন্যায়াধীশ ৰবিন মেয়াৰ্ছে আৰক্ষী বিষয়া পল হিঞ্চক্লিফক শাস্তি দিয়াৰ পূৰ্বে আদালতত সেই নিশাটোত সংঘটিত হোৱা পৰিঘটনাৰ বিষয়ে বৰ্ণনা কৰিছিল।
২০২০ চনৰ অক্টোবৰ মাহত সংঘটিত হৈছিল এই ঘটনা। দক্ষিণ ইয়ৰ্কশ্বাৰৰ উইদাৰস্পুঞ্চ নামৰ পাব খনত বন্ধু–বান্ধৱীৰ সৈতে সময় কটাই আছিল যুৱতীগৰাকীয়ে। সেই পাবখনতে নিজৰ সহকৰ্মী সকলৰ সৈতে উপস্থিত আছিল আৰক্ষী বিষয়াগৰাকী। প্ৰথমে যুৱতীগৰাকীলৈ আঙুলিয়াই দি ধেমালিৰ সুৰত মন্তব্য প্ৰকাশ কৰিছিক্ল আৰক্ষী বিষয়াজনে। তাৰপিছতেই আৰম্ভ হয় বিষয়াজনৰ উদ্ভণ্ডালী। চিধাই গৈ যুৱতীগৰাকীৰ গাত ঢালি দিয়ে বীয়েৰৰ গিলাছ। তাৰপিছত যুৱতীগৰাকীৰ টিচাৰ্ট ওপৰলৈ দাঙি অৰ্ধনগ্ন ছবি তুলিছিল ধৃত বিষয়াগৰাকীয়ে। সেই ছবই নিজৰ সহকৰ্মী সকললৈও প্ৰেৰণ কৰিছিল বিষয়াগৰাকীয়ে।
এয়াই নহয়, নিশালৈ সেই ছবি ভুক্তভুগী যুৱতীগৰাকীলৈ প্ৰেৰণ কৰি শাৰীৰিক সম্পৰ্ক স্থাপন কৰাৰ প্ৰস্তাৱো প্ৰেৰণ কৰিছিল আৰক্ষীজনে।
এই কাণ্ডৰ বৰ্ণনা কৰি ন্যায়াধীশে কয়, “পলে এই কাম কৰি নিজৰ সন্মান আৰু মৰ্যাদা ডুবাই পেলাইছে। ইয়াৰ উপৰিও তেওঁ আৰক্ষীৰ ওপৰত থকা জনবিশ্বাসকো আঘাত হানিছে।
ন্যায়াধীশে পলৰ অপৰাধক “ভয়ংকৰ” বুলি অভিহিত কৰি আঠ মাহৰ কাৰাদণ্ড বিহিছে। আনহাতে, ভুক্তভোগী মহিলাগৰাকীয়ে কয়, ‘পুলিচ থকালৈকে তাই নিজকে নিৰাপদ অনুভৱ কৰিছিল। কিন্তু এতিয়াৰ পৰা তেওঁ পুলিচক দেখি ভয়হে খাব।
