মাজতে ৮১ বছৰ পাৰ হৈ গ’ল। দ্বিতীয় বিশ্বযুদ্ধত হেৰাই যোৱা আপোনজনৰ কোনো লেখ-জোখ নাই। খবৰৰ বাবে অপেক্ষা কৰি থকা বহুতেই হয়তো অপেক্ষা কৰিয়েই এই পৃথিৱীৰ পৰা আন এখন পৃথিৱীলৈ গুচি গৈছে। কিন্তু পলমকৈ হ’লে অৱশেষত পোৱা গ’ল সন্ধান।
জাপানৰ এখন বিশেষ জাহাজ মণ্টেভিডিঅ’ মাৰু জাহাজখনত থকা ১০০০ৰো অধিক অষ্ট্ৰেলিয়ান যাত্ৰীৰে সৈতে সন্ধানহীন হৈ পৰিছিল। অৱশেষত সেই জাহাজৰ ধ্বংসাৱশেষ উদ্ধাৰ কৰা হ’ল। শনিবাৰে এই কথা সংবাদ মাধ্যমক জনাইছে জাহাজখনৰ অনু সন্ধানৰ দায়িত্বত থকা বিশেষ দলটোৱে।
লগতে পঢ়ক: মুখাৰ আঁৰৰ মুখ! প্ৰাক্তন মিছ ইংলেণ্ডৰ বেগত ১৩ কিলোগ্ৰাম ড্ৰাগছ; হাতেলোটে ধৰিলে আৰক্ষীয়ে!
১৯৪২ চনৰ ১ জুলাইত জাপানৰ পৰা মণ্টেভিডিঅ’ মাৰু জাহাজখনে যাত্ৰা কৰিছিল। তাত আছিল মুঠ ১০৬০ জন যাত্ৰী। বেছিভাগেই আছিল যুদ্ধবন্দী। কিন্তু সেই জাহাজখনত যুদ্ধবন্দীৰ উপৰিও আন দেশৰ কেইবাজনো সাধাৰণ যাত্ৰীও উপস্থিত আছিল।
ঘটনাক্ৰমে সেইপিনেৰেই এখন আমেৰিকান চাবমেৰিন পাৰ হৈ গৈ আছিল। সেই চাবমেৰিনে ভুলতে জাহাজখনক আক্ৰমণ কৰিছিল। ফলত জাপানী জাহাজখন ডুব যায়। তাত থকা আটাইকেইজন যাত্ৰীৰ মৃত্যু হয়।
লগতে পঢ়ক: NCERT পাঠ্যক্ৰমৰ দশম শ্ৰেণীৰ বিজ্ঞানৰ কিতাপৰ পৰা আঁতৰিল ডাৰউইন! পত্ৰ লিখি প্ৰতিক্ৰিয়া বিজ্ঞানীৰ
দ্বিতীয় বিশ্বযুদ্ধৰ অন্ত পৰাৰ পাছতো জাহাজখন পোৱা নগ’ল। ইয়াৰ মাজতে ৮১ বছৰ পাৰ হৈ গ’ল। অৱশেষত বিশেষ অনুসন্ধান দলৰ প্ৰচেষ্টাত জাহাজখন উদ্ধাৰ কৰা হৈছে।
চাইলেণ্টৱৰ্ল্ডৰ সঞ্চালক জন মুলেনে সংবাদ মাধ্যমৰ আগত কয় যে মণ্টেভিডিঅ’ মাৰু আৱিষ্কাৰে এটা দীঘলীয়া অধ্যায়ৰ অন্ত পেলালে। এতিয়াও আপোনজনৰ খবৰৰ বাবে অপেক্ষা কৰি থকা পৰিয়ালবোৰে এইবাৰ শান্তি পাব।
লগতে পঢ়ক: গ্ৰেপ্তাৰ অমৃতপল সিং, অৱশেষত ৩৬ দিনৰ অন্তত আৰক্ষীৰ হাতত ধৰা পৰিল খালিস্তানী নেতাগৰাকী
উল্লেখ্য যে এই জাহাজখন বিচাৰি উলিওৱাৰ আঁৰৰ মূল শক্তি হৈছে চাইলেণ্টৱৰ্ল্ড। পাঁচ বছৰ ধৰি সংস্থাটোৱে জাহাজখন বিচাৰিবলৈ বিভিন্ন অভিযানৰ পৰিকল্পনা কৰিছিল। ইয়াৰ লগত আছিল নেদাৰলেণ্ডৰ বিশেষ গভীৰ সাগৰীয় চোৱাচিতা সংস্থা ফাগ্ৰো আৰু অষ্ট্ৰেলিয়াৰ প্ৰতিৰক্ষা বিভাগ। ১২ দিনৰ তালাচীৰ অন্তত উদ্ধাৰ হয় জাহাজখন। জাহাজখন সাগৰৰ পৰা ৪ কিলোমিটাৰ তলত ডুব গৈছিল। যিটো আচলতে টাইটানিকতকৈও অধিক গভীৰত।
