শেহতীয়াকৈ বিজেপি চৰকাৰে মুছলমানসকলৰ প্ৰতি নৰম স্থিতি লোৱা দেখা গৈছে। তেনে পৰিস্থিতিৰ মাজতে এইবাৰ অসমৰ ৰাইজে সুকলমে পালন কৰিলে ঈদ। কিন্তু বিজেপিৰ মুছলমানৰ প্ৰতি এই নৰম মনোভাৱৰ আঁৰত কি কাৰণ আছে। বিশিষ্ট চিন্তাবিদ ড০ হীৰেন গোঁহাইয়ে তেওঁৰ ফেচবুক পোষ্টত অসমৰ মুছলমান লোকসকলৰ প্ৰতি এক আহ্বান জনাইছে। তেওঁৰ এই পোষ্টটোত জনোৱা আহ্বান অবিকৃত ৰূপত দাঙি ধৰা হ’ল-
অসমৰ মুশ্লিম জনসাধাৰণৰ প্ৰতি এক আহ্বান
এইবাৰ ঈদ পৰৱ অসমৰ সাধাৰণ মুশ্লিম ৰাইজে বহুদিনৰ মূৰত নিৰুদ্বেগ, নিঃশংক চিত্তে পালন কৰিলে। এই স্বস্তিৰ অন্যতম ঘাই কাৰণ এয়ে যে বিজে’পি চৰকাৰে হঠাতে সুৰ নৰম কৰি মুশ্লিমক অভয় দিবলৈ নানা কুচকাৱাজ আৰম্ভ কৰিছে। এজন মুশ্লিমক পদ্মশ্ৰী দিছে, বিভিন্ন ঠাইত ঘটোৱা মাৰ-পিট, খুন-জখম বন্ধ কৰিছে, মুশ্লিমক মন ভাল লগোৱা কথা কৈ আছে।
নিৰাপদ বোধ কৰি মুশ্লিম সকলেও ভাবিছে যে দুৰ্বৃত্তহঁতৰ সুমতি হৈছে। এনে কথা একদম বিশ্বাস নকৰিব।ইহঁত বহুৰূপী।মনত ৰাখিব এই সময়তে গুজৰাটৰ বিজেপি চৰকাৰে ২০২২ৰ গণহত্যাৰ অপৰাধী ৬৭ জনক কাৰাদণ্ডৰ পৰা মুকলি কৰি দিছে।পাঠ্যক্ৰমৰ পৰা প্ৰবল প্ৰতাপী তিনিশ বছৰীয়া মোগল সাম্ৰাজ্যৰ প্ৰসংগ চমুৱাই বাদ দিয়াৰ উপক্ৰম কৰিছে।
এই শেহতীয়া মিতিৰৰ ভাওৰ কাৰণ কেৱল আগন্তুক ২০২৪ সংসদী নিৰ্বাচনৰ প্ৰস্তুতি। ফুচুলাই মুশ্লিমৰ ভোট আদায়ৰ কৌশল।গাদীত বহি লব পাৰিলেই পুনৰ অত্যাচাৰ চলাব।
গতিকে মুশ্লিম সমাজে অবিচলিত থাকি ইহঁতক গাদীচ্যুত কৰাৰ সিদ্ধান্ত গ্ৰহণ কৰাহে যুগুত হব।
ড০ হীৰেন গোঁহাই
