আন এক ৰাস্তাৰ কুকুৰৰ আক্ৰমণত মৃত্যু ঘটিছে এজন ১২ বছৰীয়া নাবালকৰ। নাবালকক উদ্ধাৰ কৰিবলৈ গৈ এজন লোক আৰু এটি শিশুও আহত হয়।
উত্তৰ প্ৰদেশৰ বাৰেলীত মঙলবাৰে সংঘটিত হয় এই ঘটনা। চি বি গঞ্জ অঞ্চলৰ খেলপথাৰত আবেলি বন্ধুৰ সৈতে খেলি আছিল নাবালকজন। হঠাৎ এদল ৰাস্তাৰ কুকুৰ তাৰ ফালে ভিৰাই খেদি আহে। ভয়তে সি প্ৰাণটাকি দৌৰিবলৈ ধৰে।
লগতে পঢ়ক: প্ৰিয়ংকাৰ গোপন কাহিনী ফাদিল! আমেৰিকাৰ পৰা উভতি অহাৰ পিছত খিৰিকীত কিয় গ্ৰীল লগাইছিল পিতৃয়ে?
দৌৰি দৌৰি হঠাতে সি পৰি যোৱাত তাৰ ওপৰত জপিয়াই পৰি ৰাস্তাৰ কুকুৰৰ দলটোৱে আক্ৰমণ চলায়। কামুৰি তাৰ হাত ভৰি ধৰি চিৰাচিৰ কৰে। সেই সময়ত নাবালকৰ এজন বন্ধুও আহত হয়।
আক্ৰমণ দেখি এজন পথচাৰী আগবাঢ়ি আহে আৰু নাবালকজনক উদ্ধাৰ কৰি চিকিৎসালয়লৈ লৈ যায়। চিকিৎসা চলি থকাৰ সময়তে নাবালকজনৰ মৃত্যু হয়।
লগতে পঢ়ক: আৰক্ষীৰ বেশত অপহৰণকাৰী : দিছপুৰৰ মন্ত্ৰী ক’লনিৰ পৰাই অপহৰণ যুৱকক : সুৰক্ষা ক’ত?
ৰাস্তাৰ কুকুৰৰ আক্ৰমণৰ এইটোৱে প্ৰথম ঘটনা নহয়। দুমাহ পূৰ্বেও বাৰেলীত ৰাস্তাৰ কুকুৰৰ আক্ৰমণত এটি তিনি বছৰীয়া শিশুৰ মৃত্যু হৈছিল। যোৱা বছৰ ডিচেম্বৰ মাহতো একেদৰে প্ৰাণ হেৰুৱাইছিল এজন ১২ বছৰীয়া নাবালকে।
