কাশ্মীৰত পুনৰ এক সন্ত্ৰাসবাদীৰ আক্ৰমণৰ ঘটনা সংঘটিত হৈছে। শুকুৰবাৰে ৰাজৌৰী ছেক্টৰত সন্ত্ৰাসবাদীৰ আক্ৰমণত দুজন সেনা জোৱান নিহত হয়। এজন গুৰুতৰভাৱে আহত সেনা বিষয়াকে ধৰি ৪ জনক চিকিৎসালয়ত ভৰ্তি কৰোৱা হৈছে।
সেনাৰ সূত্ৰ অনুসৰি শুকুৰবাৰে পুৱা ৰাজৌৰী খণ্ডৰ অন্তৰ্গত কান্দি বনাঞ্চলত সন্ত্ৰাস বিৰোধী অভিযান চলাই আছিল। চাৰিওফালৰ অঞ্চলত পুংখানুপুংখ তালাচী চলি আছিল। সেই সময়তে জোৱানসকলৰ ওপৰত সন্ত্ৰাসবাদীয়ে বোমা নিক্ষেপ কৰে। বোমা বিস্ফোৰণৰ ফলতত থিতাতে নিহত হয় দুজন সেনা জোৱান।
লগতে পঢ়ক: সেনাৰ মতে মণিপুৰ শান্ত; গণ প্ৰহাৰত আহত বিজেপি বিধায়কৰ অৱস্থা সংকটজনক
কেন্দ্ৰীয় শাসিত অঞ্চলত যোৱা তিনিদিনত এয়া তৃতীয়টো এনে ঘটনা। শিল আৰু ঠেক পথৰ সৈতে ডাঠ গছ-গছনিৰে ভৰা আছিল অঞ্চলটো।
সেনাৰ বিবৃতিত কোৱা হৈছে যে প্ৰতিশোধৰ বাবে সন্ত্ৰাসবাদীয়ে বিস্ফোৰক ডিভাইচ ব্যৱহাৰ কৰে। বিবৃতি অনুসৰি, সেনা দলটোৰ দুজনকৈ জোৱান নিহত হোৱাৰ লগতে এজন বিষয়াকে ধৰি আৰু চাৰিজন জোৱান আহত হৈছে।
বিবৃতিটোত কোৱা হৈছে,”একাউণ্টাৰৰ স্থানলৈ অতিৰিক্ত দল যাবলৈ নিৰ্দেশ দিয়া হৈছে। আহত জোৱানসকলক উধামপুৰৰ কমাণ্ড হাস্পতাললৈ স্থানান্তৰ কৰা হৈছে।”
লগতে পঢ়ক: চকুৰ কূটা দাঁতৰ শাল! তুৰস্কত ৰাছিয়াৰ প্ৰতিনিধিক চৰ-ঘোচা ইউক্ৰেইন সাংসদৰ (ভিডিঅ’ চাওক)
প্ৰাৰম্ভিক খবৰ অনুসৰি অঞ্চলটোত এদল সন্ত্ৰাসবাদী আবদ্ধ হৈ আছে। সন্ত্ৰাসবাদী দলৰো হতাহত হোৱাৰ সম্ভাৱনা আছে। বৰ্তমানো অঞ্চলটোত সেনাৰ অভিযান অব্যাহত আছে।
