পাঁচবাৰ আই পি এল চেম্পিয়ন হ’ল চেন্নাই ছুপাৰ কিংছ। মহেন্দ্ৰ সিং ধোনিয়ে স্পৰ্শ কৰিলে ৰোহিত শৰ্মাৰ ৰেকৰ্ড। ৰোহিতেও মুম্বাই ইণ্ডিয়ানছক ৫ বাৰ আই পি এল চেম্পিয়ন কৰি তুলিছিল।
মঙলবাৰে গভীৰ নিশা গুজৰাটক লাষ্ট অভাৰ থ্ৰিলাৰত পৰাস্ত কৰি ধোনিয়ে শেষ হাঁহি মাৰিছিল। ইয়াৰ পিছতে ধোনিলৈ ভাঁহি আহিছে অভিনন্দন বাৰ্তাৰ জোৱাৰ।
লগতে পঢ়ক: IPL 2023 Final: বৰ্ষাস্নাত ফাইনেলত চেন্নাইৰ বিজয়গাথা! উজলিল ধোনিৰ মুখ, স্বপ্নভংগ হাৰ্দিকৰ
সকলোৱে চেন্নাই ছুপাৰ কিংছৰ প্ৰশংসা কৰিছে। অভিনন্দন জনাইছে তামিলনাডুৰ মুখ্যমন্ত্ৰী এম কে ষ্টেলিনে।
মঙলবাৰে পুৱা তেওঁ টুইট কৰি কয়, ‘’পঞ্চমবাৰৰ বাবে আই পি এল জয় কৰাৰ বাবে হালধীয়া সেনাক অভিনন্দন। এই কৃতিত্বৰ আঁৰত ধোনি। যাৰ হাতত সকলো পৰিস্থিতিৰ বাবে পৰিকল্পনা মজুত থাকে। সেইটোৱেই ক্ৰিকেটৰ মজা। শেষ মুহূৰ্তত জাডেজাই নিজৰ স্নায়ু ধৰি ৰাখি দলক জিকাই দিলে।”
Congrats to the yellow brigade of #CSK on their 5th IPL Trophy under the man with a plan for every situation @msdhoni!
This is cricket at its very best and Jadeja who held his nerve in the face of adversity has sealed a historic victory for CSK. #IPLFinals2023 pic.twitter.com/vD6YjD3o1l
— M.K.Stalin (@mkstalin) May 29, 2023
ক্ৰিকেটপ্ৰেমী ষ্টেলিনক এইবাৰ চেন্নাইৰ বহু মেচত গেলেৰীত দেখা গৈছে। ধোনি বাহিনীৰ বাবে ক্ৰীড়াসুলভ আবেগ মুকলিকৈ প্ৰকাশ কৰিছে তামিলনাডুৰ মুখ্যমন্ত্ৰীয়ে। হালধীয়া জাৰ্চি পিন্ধা ষ্টেলিনকো চেপক ষ্টেডিয়ামত দেখা গৈছিল।
