শনিবাৰে মুখ্যমন্ত্ৰী হিমন্ত বিশ্ব শৰ্মাই গুৱাহাটীৰ জ্যোতি চিত্ৰবন ফিল্ম ষ্টুডিঅ’ত চুতীয়া ৰাণী সাধনীৰ আধাৰত নিৰ্মিত ছবি ‘বীৰংগনা সাধনী’ শুভ মুহুৰত কৰে।
বীৰাংগণা সতী সাধনীৰ অতুলনীয় বীৰত্ব আৰু আপোচৰ স্মৃতি চিৰস্থায়ী কৰি ৰখাৰ লক্ষ্যৰে এই ছবিখন নিৰ্মাণ কৰা হৈছে।
চুতীয়া জনগোষ্ঠীৰ সামগ্ৰিক উন্নয়ন আৰু কল্যাণৰ বাবে অসম চৰকাৰে ঘোষণা কৰিছে ১৫০ কোটি টকা। ‘বীৰংগনা সাধনী’ ছবিখন এই বিশেষ প্ৰকল্পটো ৰূপায়ণৰে এক অংশ।
বীৰাংগণা সাধনীৰ জীৱনৰ আধাৰত নিৰ্মিত ছবিখনৰ সম্পৰ্কত ভাষণ দি মুখ্যমন্ত্ৰীগৰাকীয়ে কয়, ‘বীৰংগনা সতী সাধনীৰ জীৱন সকলোৰে বাবে প্ৰেৰণাৰ উৎস। সতী সাধনীৰ বায়’পিকখনে নৱপ্ৰজন্মক তেওঁৰ বীৰত্ব আৰু ত্যাগৰ বিষয়ে জনাত সহায় কৰিব।”
“এইবাৰ অসম চৰকাৰে সতী সাধনীৰ ৫০০ বছৰীয়া জয়ন্তী উদযাপন কৰিছে। আমি মহান বীৰংগনা সতী সাধনীৰ লগতে চুতীয়া জনগোষ্ঠীৰ সাহস আৰু সোণালী ইতিহাস আমাৰ জীৱনত উপস্থাপন কৰাৰ পদক্ষেপ গ্ৰহণ কৰিছো।’ – শৰ্মাই কয়।
উল্লেখ কৰিব পাৰি যে আহোমৰ বিৰুদ্ধে হোৱা যুদ্ধত বিশিষ্ট ভূমিকা পালন কৰা চুতীয়া ৰাণীৰ সাহস আৰু ত্যাগক সন্মান জনাই প্ৰতি বছৰে ২১ এপ্ৰিলত অসমত সতী সাধনী দিৱস উদযাপন কৰা হয়।
