যোৱা ৪ মে’ তাৰিখে মণিপুৰত সংঘটিত হোৱা বীভৎস্য যৌন নিৰ্যাতন আৰু হত্যাকাণ্ডৰ লগত জড়িত সপ্তমজন অভিযুক্তক মণিপুৰ আৰক্ষীয়ে গ্ৰেপ্তাৰ কৰে।
উল্লেখ্য যে মে’ত সংঘটিত হোৱা এই হত্যাকাণ্ড আৰু যৌন নিৰ্যাতনৰ ঘটনাৰ গোচৰ ১৮ মে’ৰ দিনা ৰুজু কৰা হৈছিল যদিও আৰক্ষীয়ে এজনো অভিযুক্তক গ্ৰেপ্তাৰ কৰা নাছিল। আনকি এই অভিযুক্ত সকলক গ্ৰেপ্তাৰৰ বাবে মণিপুৰ চৰকাৰে কোনো ব্যৱস্থা গ্ৰহণ কৰা নাছিল। যোৱা ১৯ জুলাই তাৰিখে যেতিয়া সামাজিক মাধ্যমত এই ঘটনাৰ ভিডিঅ’ ভাইৰেল হৈ পৰে তেতিয়াহে আৰক্ষীয়ে এই জঘন্য ঘটনা সংঘটিত কৰা অপৰাধীসকলক গ্ৰেপ্তাৰ কৰাৰ বাবে অভিযান আৰম্ভ কৰে।
এই ভাইৰেল ভিডিঅ’ৰ সৈতে জড়িত এজন অভিযুক্তক সোমবাৰে গ্ৰেপ্তাৰ কৰিছিল আৰক্ষী আৰু সেনাই। তাৰপিছত আৰু ছয় জনক গ্ৰেপ্তাৰ কৰা হয়। শেহতীয়া খবৰ অনুসৰি মঙলবাৰে মণিপুৰৰ থৌবাল জিলাৰ পৰা গ্ৰেপ্তাৰ কৰা হয় সপ্তমজন অভিযুক্তক।
আৰক্ষীয়ে জনোৱা মতে, গ্ৰেপ্তাৰ কৰা এই সাত অভিযুক্তৰ ভিতৰত এজন নাবালকো আছে।
এক টুইটযোগে মণিপুৰ আৰক্ষীয়ে কয়, “ভাইৰেল ভিডিঅ’ গোচৰত এজন কিশোৰকে ধৰি সাত অভিযুক্ত ব্যক্তিক গ্ৰেপ্তাৰ কৰা হৈছে। …… ৰাজ্যৰ আৰক্ষীয়ে বহু সন্দেহযুক্ত স্থানত অভিযান চলাই বাকী থকা অপৰাধীকেইজনকো গ্ৰেপ্তাৰ কৰিবলৈ সৰ্বাত্মক প্ৰচেষ্টা চলাইছে।”
উল্লেখ্য যে ঘটনাৰ ভিডিঅ’ ভাইৰেল হোৱাৰ পিছদিনা তিনিজনক গ্ৰেপ্তাৰ কৰি আৰু এজনক ২১ জুলাইত গ্ৰেপ্তাৰ কৰি চাৰিওজনকে চাৰিদিনীয়া আৰক্ষীৰ জিম্মালৈ প্ৰেৰণ কৰা হয়।
মণিপুৰ আৰক্ষীয়ে জনোৱা মতে, যোৱা ৪ মে’ত বি ফাইনম গাঁৱৰ কাংপকপি জিলাত এই ভিডিঅ’টো শ্বুট কৰা হৈছিল য’ত সমগ্ৰ গাঁওখন জ্বলাই দিয়াৰ পিছত দুয়োগৰাকী মহিলাক দলবদ্ধ ধৰ্ষণৰ অভিযোগ উত্থাপন হৈছিল।
7(seven) accused persons including 1(one) Juvenile Arrested/Apprehended in the Viral Video Case:
As regard to the viral video of 02 (two) women on 4th May, 2023, another accused was arrested today. Altogether, 07 (seven) accused persons including 01 (one)
1/2
— Manipur Police (@manipur_police) July 24, 2023
