যুদ্ধৰ বিভীষিকাই জহিছে ইজৰাইল-পেলেষ্টাইন। হামাছ বাহিনীৰ ইজৰাইল আক্ৰমণৰ পিছতে আৰম্ভ হোৱা যুদ্ধৰ উন্মাদনাই দুয়োখন দেশতে হত্যালীলা চলাইছে। এইপৰ্যন্ত যুদ্ধৰ পৰিণতিত প্ৰাণ হেৰুৱাইছে সহস্ৰাধিক লোকে।
প্ৰকাশিত খবৰ অনুসৰি, ইজৰাইলত এতিয়ালৈকে প্ৰায় ৬০০ৰো অধিক লোক নিহত হোৱাৰ বিপৰীতে গাজাত প্ৰায় ৩৭০ জন লোক নিহত হৈছে।
ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে হামাছৰ আক্ৰমণৰ প্ৰত্যুত্তৰ দি গাজাত হামাছৰ আত্মগোপন স্থান ধ্বংসস্তুপত পৰিণত কৰাৰ প্ৰতিশ্ৰুতি দিয়ে।
উল্লেখ্য যে, হামাছৰ সশস্ত্ৰ শাখাই এই আক্ৰমণক ‘অপাৰেচন আল-আকছা ফ্লাড’ আখ্যা দিছে আৰু প্ৰাথমিক আক্ৰমণৰ ২০ মিনিটৰ ভিতৰতে ৫ হাজাৰৰো অধিক ৰকেট নিক্ষেপ কৰি এক ভয়াৱহতাৰ সূচনা কৰে।
শনিবাৰে পুৱা মাত্ৰ ২০ মিনিটতে গাজা ষ্ট্ৰিপৰ পৰা দক্ষিণ ইজৰাইললৈ ৫ হাজাৰ ৰকেট নিক্ষেপ কৰিছিল হামাছ বাহিনীয়ে।
ইয়াৰ পিছতেই ইজৰাইলে হামাছ বাহিনীৰ বিৰুদ্ধে যুদ্ধ ঘোষণা কৰি প্ৰতিশোধৰ প্ৰতিশ্ৰুতিৰে বিমান আক্ৰমণ চলায়।
