ৰাতিপুৱাই পুনৰ কঁপি উঠিল এছিয়া। ভূমিকম্পই কঁপাই তুলিলে চীনক। প্ৰবল ভূমিকম্পটোৰ প্ৰাবল্য আছিল ৰিখটাৰ স্কেলত ৬.৬। ভূমিকম্পৰ ফলতপাকিস্তান-চীনক কঁপাই তোলাৰ লগতে বহু দূৰৰ পাপুয়া নিউগিনিতো উঠিল কম্পন।
আমেৰিকাৰ ভূতাত্ত্বিক জৰীপে (USGS) মঙলবাৰে (২৮ নৱেম্বৰ) এই তথ্য প্ৰকাশ কৰিছে। পাপুয়া নিউগিনিৰ উত্তৰ উপকূলত অনুভূত হয় এই ভূমিকম্প। প্ৰশান্ত মহাসাগৰীয় দ্বীপৰ ইষ্ট চেপিক প্ৰদেশৰ ৰাজধানী ৱেৱাক চহৰৰ পৰা কিছু দূৰৈত উপকূলৰ পৰা প্ৰায় ২০ কিলোমিটাৰ (১২ মাইল) দূৰত্বত এই ভূমিকম্পটো অনুভূত হয়।
লগতে পঢ়কঃ উদ্বেগজনক! চতুৰ্থ শ্ৰেণীৰ ছাত্ৰক ১০৮ বাৰ কম্পাছেৰে খুচিলে সহপাঠীয়ে; থানাত অভিযোগ দাখিল পিতৃৰ
পাপুয়াত ভূমিকম্পৰ পিছত পেচিফিক চুনামী সতৰ্কবাণী কেন্দ্ৰই কয় যে ভূমিকম্পৰ ফলত “কোনো চুনামীৰ সতৰ্কতা” নাই। মঙলবাৰে পাকিস্তানত ৪.২ প্ৰাবল্যৰ ভূমিকম্প হয়। ইয়াৰ ফলত চীনৰ পিনেও জোকাৰণি অনুভূত হয়।
পুৱা ০৩:৩৮ বজাত পাকিস্তানত ৪.২ ৰিখটাৰ স্কেলৰ ভূমিকম্পই জোকাৰি যায়। ভাৰতৰ কিছু অংশতো ইয়াৰ প্ৰভাৱ পৰিছে। লগতে ০৩:১৬ বজাত পাপুয়া নিউগিনিৰ উত্তৰ উপকূলত ৬.৫ প্ৰাবল্যৰ ভূমিকম্প আৰু ০৩:৪৫ বজাত জিজাঙত ৫.০ প্ৰাবল্যৰ ভূমিকম্প হয়। এই পৰ্যন্ত কোনো ধৰণৰ ক্ষয়-ক্ষতিৰ খবৰ পোৱা হোৱা নাই।
