এজন আই আই টি, আই আই এমৰ প্ৰাক্তন শিক্ষাৰ্থীৰ কাহিনী। তেওঁ গঢ়ি তুলিছিল খুচুৰা ব্যৱসায় ৰিটেইল চেইন সুভিক্ষা (Subhiksha)। কিন্তু আটাইতকৈ লক্ষণীয় আৰু আশ্চৰ্যজনক কথাটো হ’ল যে বিনিয়োগকাৰীক প্ৰতাৰণা কৰাৰ অপৰাধত তেওঁক ২০ বছৰৰ কাৰাদণ্ড প্ৰদান কৰা হৈছে।
যোৱা ২০ নৱেম্বৰত আদালতৰ ৰায় অনুসৰি আই আই টি মাদ্ৰাজৰ প্ৰখ্যাত অভিযন্তা আৰ সুব্ৰমণিয়ানক চেন্নাইৰ এখন বিশেষ আদালতে শতাধিক বিনিয়োগকাৰীক প্ৰতাৰণা কৰি বিভিন্ন শ্বেল ফাৰ্মত তেওঁলোকৰ সম্পদ ব্যৱহাৰ কৰাৰ অপৰাধত দোষী সাব্যস্ত কৰে।
লগতে পঢ়কঃ আজি গুৱাহাটীতেই শৃংখলা জয়ৰ লক্ষ্য ভাৰতৰ; কেনে হ’ব অষ্ট্ৰেলিয়াৰ বিৰুদ্ধে তৃতীয় টী-২০ৰ উইকেট?
উল্লেখ্য যে তামিলনাডু জমাকাৰীৰ স্বাৰ্থ সুৰক্ষা আইন (বিত্তীয় প্ৰতিষ্ঠানত) আইন (TNPID এক্ট)ৰ অধীনত আদালতে সুব্ৰমণিয়ান আৰু তেওঁৰ সহযোগীসকলক দোষী সাব্যস্ত কৰে। ৰায়দানত কোৱা হৈছে যে সুব্ৰমণিয়ানে আৰু অন্যান্যই চাৰিটা প্ৰগ্ৰামৰ জৰিয়তে জমা ধন সংগ্ৰহ কৰিছিল। সেইবোৰ হ’ল প্ৰাইম ইনভেষ্ট, এচেট বেকড ছিকিউৰিটি বণ্ড, লিকুইড প্লাছ আৰু ছেফটি প্লাছ। যিবোৰ A1 মেছাৰ্ছ বিশ্বপ্ৰিয়া ইণ্ডিয়া লিমিটেডৰ দ্বাৰা স্পনছৰ কৰা হৈছিল।
ইপিনে, তেওঁলোকে বিনিয়োগকাৰীক ছলনা কৰি ধন মেচ্যুউৰিটি হোৱাৰ পিছত পুনৰ নতুন আঁচনিত বিনিয়োগ কৰি হ্ৰস্বম্যাদীভাৱে বৃহৎ লাভৰ প্ৰস্তাৱ দিয়ে। মন কৰিবলগীয়া যে বিশ্বপ্ৰিয়া আছিল সুব্ৰমণিয়ানৰ ব্যৱসায়ৰ প্ৰথম উদ্যোগ। যিটো ১৯৯১ চনৰ মে’ মাহত বিত্তীয় সেৱা কোম্পানী হিচাপে স্থাপন কৰা হৈছিল। লগতে ১৯৯৭ চনত তেওঁ সুভিক্ষা মুকলি কৰে।
বিশ্বপ্ৰিয়াৰ বিভিন্ন আঁচনিৰ প্ৰতি বহু বিনিয়োগকাৰী আকৰ্ষিত হৈছিল আৰু এতিয়ালৈকে বিনিয়োগকাৰীৰ ভিতৰত ৫৮৭ গৰাকীয়ে ধন ঘূৰাই পোৱা নাই। তদুপৰি, সুব্ৰমণিয়ানে স্বীকাৰ কৰে যে তেওঁ যোৱা দহ বছৰ ধৰি কোনো ধৰণৰ ধন জমা কৰা নাছিল আৰু সকলো আঁচনিতে জমাকাৰীৰ ওপৰত ১৩৭ কোটি টকাৰ ডিফল্ট কৰিছিল।
লগতে পঢ়কঃউদ্বেগজনক! চতুৰ্থ শ্ৰেণীৰ ছাত্ৰক ১০৮ বাৰ কম্পাছেৰে খুচিলে সহপাঠীয়ে; থানাত অভিযোগ দাখিল পিতৃৰ
এই গোচৰত আদালতে সুব্ৰমণিয়ানক ৮.৯২ কোটি টকা আৰু দোষী সাব্যস্ত হোৱা সংস্থাসমূহক ১৯১.৯৮ কোটি টকাৰ জৰিমনা বিহিছে। এই ধনৰ ভিতৰত ১৮০ কোটি টকা জমাকাৰীক ক্ষতিপূৰণৰ বাবে নিৰ্দ্ধাৰণ কৰা হৈছে। আদালতৰ সিদ্ধান্ত অনুসৰি ক্ষতিপূৰণৰ ধন অনুমোদিত স্থানলৈ হস্তান্তৰ কৰিব লাগিব। য’ৰ পৰাই ক্ষতিগ্ৰস্ত বিনিয়োগকাৰীসকলক তেওঁলোকৰ নথি-পত্ৰ পৰীক্ষা কৰাৰ পিছত ধন প্ৰদান কৰা হ’ব।
