বুধবাৰে আমেৰিকাৰ নেভাদা বিশ্ববিদ্যালয়ৰ মূল চৌহদত বন্দুকধাৰীৰ আক্ৰমণত চাৰিজন লোক নিহত হয়। ইয়াৰে মাজত এজন আক্ৰমণকাৰীও নিহত হয়। তদুপৰি এই আক্ৰমণত আন এজন ব্যক্তি আহত হয়।
লাছ ভেগাছ আৰক্ষী বিভাগে ছচিয়েল মিডিয়াত এক বিবৃতিত কয় যে বন্দুকধাৰীজনৰ উপৰিও তিনিজন লোক নিহত হৈছে। গুলীয়াই আহত কৰা আন এজন ব্যক্তিৰ অৱস্থা সংকটজনক।
লগতে পঢ়কঃ Washington Post Strike: ৱাশ্বিংটন পোষ্টৰ সাংবাদিক-সংবাদকৰ্মীৰ ধৰ্মঘট; আজি ছপা হৈ নোলায় বাতৰিকাকত
আন্তৰ্জাতিক সংবাদ মাধ্যমৰ মতে, কৰ্তৃপক্ষই নিহতসকলৰ পৰিচয় প্ৰকাশ কৰিব পৰা নাই। তদুপৰি সন্দেহজনক লোকজনক আৰক্ষীয়ে গুলীয়াই হত্যা কৰিছিল নে তেওঁ আত্মহত্যা কৰিছিল সেয়াও স্পষ্ট হোৱা নাই।
ভিনচেণ্ট পেৰেজ স্কুলৰ এজন অধ্যাপকে ফোনযোগে জনায় যে কেম্পাছত নিৰাপদ স্থানলৈ পলায়ন কৰাৰ পূৰ্বে তেওঁ একাধিক বন্দুকৰ গুলী শুনিছিল।
লগতে পঢ়কঃ বিশ্বৰ আটাইতকৈ ধুনীয়া গছ! সোণালী পোহৰ বিলাইছে ৮০০ বছৰীয়া এই গছজোপাই
তেওঁ কয়, ‘আমি এটাৰ পিছত এটাকৈ সাত-আঠটা ডাঙৰ শব্দ শুনিবলৈ পাওঁ। আমি ভিতৰত আশ্ৰয় লৈ উপলব্ধি কৰোঁ যে এইটো আচলতে বন্দুকৰ গুলীৰ শব্দ আৰু কেম্পাছত এজন সক্ৰিয় বন্দুকধাৰী আছে।’
