সময়ৰ লগে লগে সকলো স্মাৰ্ট হৈ আহিছে। স্মাৰ্ট ফোন, স্মাৰ্ট ঘড়ী, স্মাৰ্ট জােতাৰ পিছত এইবাৰ বজাৰলৈ আহিব স্মাৰ্ট জিন্স।
শেহতীয়াকৈ গাই ডুপণ্ট নামৰ এজন ব্যক্তিয়ে স্মাৰ্ট জিন্সৰ ভিডিঅ’ শ্বেয়াৰ কৰি সমগ্ৰ বিশ্বতে আলোড়নৰ সৃষ্টি কৰিছে।
এই স্মাৰ্ট পেণ্টৰ চেইন খুলিলে লগে লগে আপোনাৰ সংগীৰ ওচৰলৈ যাব ন’টিফিকেচন।
গাই ডুপণ্ট নামৰ লোকজনে টুইটাৰত শ্বেয়াৰ কৰা এটা ভিডিঅ’ত পেণ্টৰ জিপ খুলি দিয়াৰ লগে লগে ন’টিফিকেচন লাভ কৰা দেখা গৈছে।
কেৱল সেয়াই নহয়, জিপটো কিমানবাৰ খোলা বা বন্ধ কৰা হয়, আনকি জিপটো কিমান দিনলৈ খোলা থাকে, সেইবোৰো মোবাইলত উপলব্ধ হব।
জানিব পৰা মতে এই জিন্সৰ লগত ইমপেক্ট চেন্সৰ থকা কিছুমান ছেফটি পিন সংযোগ কৰা হৈছে আৰু জিপাৰত এটা শক্তিশালী চুম্বক সংলগ্ন কৰা হৈছে। এই প্ৰক্ৰিয়াত কিছুমান তাঁৰ ব্যৱহাৰ কৰা হৈছে, যিবোৰ ESP-32 ৰ সৈতে সংযুক্ত। জিন্সৰ চেইন খুলিলে প্ৰতিবাৰেই ৱাই-ফাই সেৱাৰ জৰিয়তে মোবাইললৈ জাননী যাব।
ব্যক্তিজনে টুইটাৰযোগে কয় যে তেওঁৰ এজন বন্ধুৰ অনুৰোধত তেওঁ এই স্মাৰ্ট পেণ্টটো তৈয়াৰ কৰিছে। বন্ধুৱে বিচাৰিছিল এনে এটা পেণ্ট যিয়ে জিপ খুলিলেই সময় ক’ব পাৰে। এই পেণ্টৰ ডিজাইন এনেদৰে কৰা হৈছে যে যেতিয়াই জিপটো খুলিব তেতিয়াই ইমপেক্ট চেন্সৰটো কেইছেকেণ্ডমানৰ বাবে সক্ৰিয় হৈ থাকিব আৰু ফোনলৈ জাননী প্ৰেৰণ কৰা হ’ব।
যিহেতু এই পেণ্টত চেন্সৰ লগোৱা হৈছে, গতিকে সাধাৰণ পেণ্টৰ দৰে ইয়াক ধুব নোৱাৰি। এই চেন্সৰটো সদায় মোবাইল ফোনটোৰ সৈতে সংযুক্ত হোৱাৰ বাবে মোবাইল ফোনটোৰ বেটাৰী অধিক সোনকালে খৰচ হযব। অৱশ্যে পেণ্টত এই চেন্সৰ লগোৱা ব্যক্তিজনৰ মোবাইলতে কেৱল নটিফিকেচন আহিব তেনে নহয়, যদি আন কোনোবাই তেওঁৰ ফোনত নোটিফিকেচন ছেট কৰে, তেন্তে জিপ খোলাৰ লগে লগে নটিফিকেচন তেওঁৰ ওচৰলৈকো যাব।
If you know me, you know one of my favorite things to do is speedrun product ideas from my friends. One requested “Pants that detect when your fly is down for too long and send you a notification”. Currently seeking investors. pic.twitter.com/Mz3IDnCLaG
— Guy Dupont (@gvy_dvpont) May 23, 2023
স্বাভাৱিকতে এই পেণ্টৰ বিষয়ে জানিব পৰাৰ পৰাই মানুহৰ মাজত এক উত্তেজনাৰ সৃষ্টি হৈছে। কোৱা বাহুল্য যে যদি এই পেণ্ট বজাৰত মুকলি কৰা হয়, তেন্তে এক হুলস্থুলৰ সৃষ্টি হ’ব। কিন্তু বৰ্তমান এই পেণ্টবোৰ কেৱল উদ্ভাৱকৰ।
এতিয়ালৈকে আপুনি ড্ৰেছ পেণ্ট পিন্ধি স্মাৰ্ট হ’ব পাৰিছিল, এতিয়া আপোনাৰ ড্ৰেছ পেণ্ট নিজেই স্মাৰ্ট হৈ পৰিব। কিন্তু প্ৰশ্নটো ৰৈ গৈছে যে এই স্মাৰ্ট কাপোৰ পিন্ধিলে আপুনি কিমান সুৰক্ষিত হ’ব।
