হিৰ’ মট’কৰ্প গ্ৰাহকৰ বাবে লৈ আনিছে আন এখন নতুন স্কুটাৰ। হিৰ’ৰ বজাৰত সম্প্ৰতি উপলব্ধ বাকী পাঁচখন স্কুটাৰতকৈ সকলো ফালৰ পৰাই যথেষ্ট পৃথক ৰূপত বজাৰলৈ আহিছে হিৰ’ জুম ১৬০।
ই হৈছে মেক্সি ডিজাইনৰ স্কুটাৰ। বাইকৰ দৰে শক্তিশালী ইঞ্জিন। কোনো ভাৰতীয় কোম্পানীৰ পৰা এনে স্কুটাৰ আজিলৈকে ওলোৱা নাই। গতিকে স্বাভাৱিকতে জুম ১৬০ ক লৈ ইতিমধ্যে গ্ৰাহৰকৰ মাজত বৃদ্ধি পাইছে উত্তেজনা।
হিৰ’ মট’কৰ্পে অৱশেষত বহু -প্ৰতীক্ষিত Xoom 160 স্কুটাৰ মুকলি কৰিলে। কোম্পানীটোৱে স্কুটিখনক সমগ্ৰ বিশ্বৰ বজাৰত মুকলি কৰি দিছে। ডাঙৰ স্কুটাৰ বজাৰত কোম্পানীটোৰ এইটোৱেই প্ৰথম প্ৰডাক্ট।
ইউৰোপ আৰু আমেৰিকাৰ অতি কম সংখ্যক দেশত মেক্সি স্কুটাৰ বিক্ৰী কৰা হয়। ভাৰততো এনে মেক্সি স্কুটাৰ বিক্ৰী হয় যদিও জাপানী কোম্পানী য়ামাহাই বিক্ৰী কৰে।
স্কুটাৰৰ সন্মুখত ডাঙৰ উইণ্ডস্ক্ৰীণ, ভি শ্বেপ হেডলাইট আছে, যিবোৰ সাধাৰণতে এডভেঞ্চাৰ মটৰ চাইকেলত পোৱা যায়।
স্কুটাৰ খনত একক টুকুৰাৰ চিট আৰু ডাঙৰ ফ্ল’ৰবৰ্ড আছে। স্কুটাৰৰ পিছফালেও এটা বাকচ ৰাখিব পৰাকৈ ঠাই আছে।
বেলেন্সৰ বাবে আছে টেলিস্কোপিক ফৰ্ক ছাচপেনচন । দুয়োটা চকাতে আছে ডিস্ক ব্ৰেক । এন্টি -লক ব্ৰেকিং বা এবিছো উপলদ্ধ এই স্কুটাৰত থাকিব পাৰে।
এই স্কুটীখনৰ বিশেষ বৈশিষ্ট্যসমূহ হ’ব- এল ই ডি হেডলাইট, টেল লাইট, ব্লুটুথ সংযোগ, ডিজিটেল ইনষ্ট্ৰুমেণ্ট ক্লাষ্টাৰ, ইউ এছ বি চাৰ্জিং, স্মাৰ্ট কী আদি।
খবৰ অনুসৰি অহা ৬ মাহৰ ভিতৰত এই স্কুটাৰখন বজাৰত ব্যাপকভাবে উপলব্দ্ধ হ’ব।
খবৰ অনুসৰি এই স্কুটাৰখনৰ মূল্য হ’ব পাৰে ১.৩ লাখ টকা।
উল্লেখ্য যে হিৰ’ জুম বজাৰলৈ অহাৰ আগতেই দুখন মটৰ চাইকেল বজাৰলৈ আহিছে। এখন হিৰ’ এক্সট্ৰিম ১২৫আৰ, আনখন হৈছে হিৰ’ মেভ্ৰিক ৪৪০।
