শুকুৰবাৰে কংগ্ৰেছৰ এগৰাকী জ্যেষ্ঠ নেতাই অভিযোগ উত্থাপন কৰে যে ২০২০ চনৰ পৰা অসমৰ বিজেপিৰ গৰিষ্ঠসংখ্যক সাংসদে নিজৰ সংসদ সদস্য স্থানীয় এলেকা উন্নয়ন (এমপিএলএডি) আঁচনি ব্যৱহাৰ কৰাত সম্পূৰ্ণৰূপে ব্যৰ্থ হৈছে।
আৰ টি আইৰ প্ৰতিবেদনৰ ভিত্তিত অসম প্ৰদেশ কংগ্ৰেছ কমিটীৰ গৱেষণা বিভাগৰ অধ্যক্ষ নেত্ৰৰঞ্জন চৌধুৰীয়ে কয় যে এম পি এল এ ডি ৰূপায়ণৰ বাবে ন’ডেল এজেন্সী জিলা কৰ্তৃপক্ষই এম পি এল এ ডিৰ পুঁজিৰ ৰূপায়ন হোৱা আঁচনিৰ সঠিক হিচাপ ৰখা আৰু নিৰীক্ষণত ব্যৰ্থ হৈছে।
নিয়ন্ত্ৰক আৰু মহানিৰীক্ষক (চি এছ এ জি)ৰ এক অডিট ৰিপৰ্টৰ পৰা লাভ কৰা আৰ টি আইৰ প্ৰতিবেদনে ৰাজ্যখনৰ এম পি এল এ ডি আঁচনিৰ বাস্তৱিক অৱস্থাৰ কথা পোহৰলৈ আনিছে।
আৰ টি আইৰ প্ৰতিবেদনৰ উদ্ধৃতি দি চৌধুৰীয়ে এইদৰে কয়, ‘আঁচনিসমূহৰ ৰূপায়ণকাৰী সংস্থাসমূহে ব্যৱহাৰৰ প্ৰমাণ পত্ৰ দাখিল কৰিব নোৱাৰিলে যাৰ বাবে ২০২০ চনৰ পৰা এই সংস্থাসমূহে কৰা ব্যয়ৰ হিচাপ নিদিয়াত কেগে চূড়ান্ত প্ৰতিবেদন দিব নোৱাৰিলে। চিএছএজিয়ে জিলা কৰ্তৃপক্ষক ব্যৱহাৰৰ প্ৰমাণপত্ৰ বিচাৰিছিল, যদিও তাৰ সঁহাৰি এতিয়াও পোৱা নাই।’
লগতে পঢ়কঃ পৰম্পৰা! এশ এবিধ শাক কি কি জানেনে? জানি লওক গৰু বিহুত খোৱা ১০১ বিধ শাকৰ নাম
www.mplads.gov.in ৰ তথ্য অনুসৰি অসমৰ ১৪ জন লোকসভা সাংসদক আবণ্টন দিয়া ১১৭.৫০ কোটি টকাৰ পুঁজিৰ ভিতৰত ১০১.৬৭ কোটি টকাহে ব্যয় হৈছে।
সাংসদসকলে পৰামৰ্শ দিয়া ৫,১৯০খন আঁচনিৰ ভিতৰত ২০২৪ চনৰ ১২ এপ্ৰিললৈকে মাত্ৰ ৩৫৯৬খন আঁচনিহে ব্যৱহাৰ কৰা হৈছে।
আনুমানিক ২৫ কোটি টকাৰ ভিতৰত ৭.৫০ কোটি টকা ডিব্ৰুগড়লৈ মুকলি কৰি দিয়া হয়, ইয়াৰে ২.০৫ কোটি টকা ডিব্ৰুগড় জিলা কৰ্তৃপক্ষই ব্যয় কৰে। অনুমোদন দিয়া ৩৮৮খন আঁচনিৰ ভিতৰত এখনো সম্পূৰ্ণ হোৱা নাই।
ৰাজ্যসভাৰ সদস্য ভুৱনেশ্বৰ কলিতা, বীৰেন্দ্ৰ প্ৰসাদ বৈশ্য, কামাখ্যা প্ৰসাদ তাছা, পবিত্ৰ মাৰ্ঘেৰিটা আৰু ৰণগৌৰা নাৰ্জাৰীয়ে কেন্দ্ৰীয় চৰকাৰে তেওঁলোকক আবণ্টিত ধন ব্যৱহাৰ কৰাত ব্যৰ্থ হৈছে।
আঁচনিৰ নিৰ্দেশনা অনুসৰি সাংসদগৰাকীৰ পৰামৰ্শ অনুসৰি জিলা কৰ্তৃপক্ষই কামসমূহ অনুমোদন দিয়ে।
কৰিমগঞ্জ সমষ্টিত MPLAD ৰূপায়ণো সন্তোষজনক নহয়। কৰিমগঞ্জ জিলা উন্নয়ন আয়ুক্তই উল্লেখ কৰে যে পুঁজি মুকলি কৰাৰ সময়ত শ্ৰম উপকৰ, জি এছ টি, বন ৰয়েল্টি আদি কৰ্তনৰ বিষয়টো নিশ্চিত কৰা হোৱা নাই আৰু প্ৰমাণপত্ৰ দাখিলৰ সময়ত একেখিনি পৰীক্ষা কৰা হ’ব, MB & MR ইত্যাদি প্ৰমাণ পত্ৰ গতাই দিয়া হব।
কিন্তু প্ৰকৃত কাৰ্যক্ষেত্ৰত দ্বিতীয় আৰু অন্তিম কিস্তিৰ পিছত কোনো অনুসৰণমূলক (ফলোআপ) ব্যৱস্থা ৰেকৰ্ডত পোৱা নগ’ল বা অডিটৰ বাবেও উপলব্ধ নহ’ল। ডিডিচিয়ে এইটোও মানি লৈছিল যে প্ৰায়বোৰ আঁচনিতে সম্পূৰ্ণ হোৱাৰ প্ৰতিবেদন, প্ৰমাণ পত্ৰ গতাই দিয়া আৰু লোৱাৰ প্ৰতিবেদন ইত্যাদি, চিচিৰ দ্বাৰা দাখিল কৰা হোৱা নাছিল।
দ্বিতীয় কিস্তি মুকলি কৰাৰ সময়ত ৰিকুইজিচনৰ ওপৰত ভিত্তি কৰি বাকী থকা পুঁজি আৰু প্ৰথম কিস্তিৰ ব্যৱহাৰিক প্ৰমান পত্ৰৰ বাবে চিচিৰ স্বাক্ষৰ/ সভাপতি হিচাপে থকা কাৰ্যবাহী দণ্ডাধীশ পদবীৰ বিষয়াজনৰ প্ৰতি স্বাক্ষৰৰ দ্বাৰা আৰু চৰজমিন পৰীক্ষণ চলোৱাৰ পিছত মূল ব্যৱহাৰৰ ৰেকৰ্ডসমূহ লক্ষ্য কৰা হোৱা নাছিল।
কিন্তু তথ্য মতে, গৰিষ্ঠসংখ্যক ইউ চি আৰু কম্প্লিচন চাৰ্টিফিকেটত (কেৱল প্ৰথম কিস্তিৰ বিপৰীতে) চিচিৰ সংশ্লিষ্ট সদস্য সচিব সহ কাৰিকৰী সদস্যসকলে চিচিৰ সভাপতিৰ স্বাক্ষৰ নোলোৱাকৈয়ে নিজৰ স্বাক্ষৰ কৰিছিল।
লগতে পঢ়কঃ ফুটবল খেলৰ মাজতে সমৰ্থকৰ মৃত্যু; বন্ধ কৰি দিয়া হ’ল খেল, শোকাহত ফুটবল অনুৰাগী
নিৰ্মাণ সমিতিসমূহে ব্যৱহৃত বস্তুগত উপাদানসমূহৰ লগতে ইয়াৰ সৈতে জড়িত শ্ৰম উপাদানসমূহৰ বিপৰীতে ইয়াৰ পৰা মুকলি কৰা ধনৰ বিপৰীতে ব্যৱহাৰৰ ৰেকৰ্ড দাখিল কৰা নাছিল, (মাষ্টাৰ ৰোলৰ আকাৰত) যাৰ অনুপস্থিতিত অডিটে লেনদেনৰ নিশ্চয়তা দিব নোৱাৰিলে।
সম্পূৰ্ণ হোৱা আৰু আংশিকভাৱে সম্পূৰ্ণ হোৱা আঁচনিৰ বিৰুদ্ধে ব্যৱহাৰৰ ৰেকৰ্ড দাখিল নকৰাৰ কাৰণো উল্লেখ কৰিব পাৰি।
শোণিতপুৰ উপায়ুক্তৰ অধীনত ২০১৭-১৮ চনৰ পৰা ২০১৯-২০ বৰ্ষৰ এমপিএলএডি আঁচনিৰ ৰূপায়ন আৰু আৰ্থিক অগ্ৰগতিৰ প্ৰতিবেদনত প্ৰকাশ পাইছে যে সাংসদগৰাকীয়ে ৩২খন আঁচনিৰ কাৰ্যকৰীকৰণৰ বাবে পৰামৰ্শ দিছিল। আঁচনিখন ৰূপায়ণৰ বাবে জিলা কৰ্তৃপক্ষই নিৰ্মাণ সমিতি (চিচি)/ ৰূপায়ণকাৰী সংস্থা(আই এ)ক প্ৰথম কিস্তিৰ ৫৯.৪৪ লাখ টকা মুকলি কৰি দিয়ে। কিন্তু আই এৰ পৰা প্ৰথম কিস্তিৰ ধন লাভ কৰাৰ ১-৩ বছৰ পাৰ হোৱাৰ পাছতো ২০২২ চনৰ জানুৱাৰী মাহলৈকে আঁচনিসমূহ সম্পূৰ্ণ হোৱা নাই।
লগতে পঢ়কঃ IPL 2024: কুলদীপৰ স্পিন ঘূৰ্ণীত দিশহাৰা ৰাহুল বাহিনী; দিল্লীৰ হাতত পৰাজিত হৈ থমকিল লক্ষ্ণৌৰ জয়ৰ ধাৰা
চিচিসমূহে পুঁজিৰ ব্যৱহাৰৰ সমৰ্থনত ইউচি দাখিল কৰাত ব্যৰ্থ হয় আৰু চূড়ান্ত কিস্তিৰ বাবে ৫১.৩৬ লাখ টকা মুকলি কৰা নহ’ল। লগতে দেখা গ’ল যে শোণিতপুৰৰ উপায়ুক্তই গাইডলাইনত উল্লেখ কৰা ধৰণে প্ৰকল্পটো সম্পূৰ্ণ কৰাৰ প্ৰক্ৰিয়া ক্ষিপ্ৰ কৰাৰ বাবে কোনো পদক্ষেপ গ্ৰহণ কৰা দেখা নগ’ল আৰু গাইডলাইন অনুসৰি পলম হোৱাৰ বাবে কাৰ্যকৰী সংস্থাসমূহৰ বিৰুদ্ধে কোনো ব্যৱস্থা গ্ৰহণ কৰাও নহ’ল।
