মণিপুৰৰ মুখ্যমন্ত্ৰী এন বীৰেণ সিঙে বুধবাৰে কয় যে ৰাজ্যত মুঠ ৫৪৫৭ জন অবৈধ অনুপ্ৰৱেশকাৰী ধৰা পৰিছে।মুখ্যমন্ত্ৰী সিঙে এক্স (পূৰ্বতে টুইটাৰ)ত এটা পোষ্টত কয় যে চৰকাৰে ২০২৪ চনৰ ৭ মে’লৈকে মণিপুৰৰ কামজং জিলাত মুঠ ৫৪৫৭ জন অবৈধ অনুপ্ৰৱেশকাৰী ধৰা পেলাইছে।
𝟓𝟒𝟓𝟕 𝐢𝐥𝐥𝐞𝐠𝐚𝐥 𝐢𝐦𝐦𝐢𝐠𝐫𝐚𝐧𝐭𝐬 𝐝𝐞𝐭𝐞𝐜𝐭𝐞𝐝, 𝐛𝐢𝐨𝐦𝐞𝐭𝐫𝐢𝐜 𝐝𝐚𝐭𝐚 𝐨𝐟 𝟓𝟏𝟕𝟑 𝐨𝐟 𝐭𝐡𝐞𝐦 𝐡𝐚𝐯𝐞 𝐛𝐞𝐞𝐧 𝐫𝐞𝐠𝐢𝐬𝐭𝐞𝐫𝐞𝐝.
The Government has detected a total of 5457 illegal immigrants in Kamjong District, Manipur as on May 7th, 2024. Out of…
— N.Biren Singh (Modi Ka Parivar) (@NBirenSingh) May 8, 2024
পোষ্টটোত মুখ্যমন্ত্ৰী সিঙে কয়, ‘৫,৪৫৭ জনৰ ভিতৰত এতিয়ালৈকে ৫১৭৩ জন এনে অবৈধ অনুপ্ৰৱেশকাৰীৰ বায়’মেট্ৰিক তথ্য সংগ্ৰহ কৰা হৈছে।’
সিঙে লগতে কয় যে বিতাড়নৰ প্ৰক্ৰিয়া চলি আছে আৰু ধৰা পৰা সকলো অবৈধ অনুপ্ৰৱেশকাৰীক চৰকাৰে মানৱীয় সাহায্য আগবঢ়াই আহিছে।মণিপুৰৰ মুখ্যমন্ত্ৰীয়ে কয়, ‘এটা আতংকজনক পৰিস্থিতি হোৱাৰ পাছতো আমি ইয়াক অতি সংবেদনশীলতাৰে চম্ভালি আহিছো।
ভাৰতত অবৈধ অনুপ্ৰৱেশক লৈ ক্ৰমাৎ উদ্বেগ বৃদ্ধি পোৱাৰ মাজতে এই খবৰ আহিছে। ভাৰত চৰকাৰে ৰাষ্ট্ৰীয় নাগৰিক পঞ্জী (এন আৰ চি) ৰূপায়ণকে ধৰি অবৈধ অনুপ্ৰৱেশকাৰীক চিনাক্ত আৰু বিতাড়নৰ পদক্ষেপ গ্ৰহণ কৰি আহিছে।
