ভৱানীপুৰ আঞ্চলিক মহাবিদ্যালয়ৰ অধ্যক্ষ মানস চক্ৰৱৰ্তীৰ বিৰুদ্ধে এজাহাৰ দাখিল কৰিছে সৰ্বভাৰতীয় ব্ৰাহ্মণ ফ্ৰণ্ট অসম ৰাজ্যিক সমিতিয়ে। কেন্দ্ৰীয় বিশ্ববিদ্যালয়ৰ প্ৰৱেশ পৰীক্ষা (চিইউইটি) সময়ত সংঘটিত হোৱা বিতৰ্কিত ঘটনাৰ পিছত এজাহাৰ দাখিল কৰিছে সংগঠনটোৱে।
খবৰ অনুসৰি, বজালী জিলাৰ ভৱানীপুৰ আঞ্চলিক মহাবিদ্যালয়ৰ পৰীক্ষা কেন্দ্ৰত প্ৰৱেশ কৰাৰ পূৰ্বে বৰবাটাবাৰী গাঁৱৰ ধৃতিৰাজ বশিষ্ঠ নামৰ এজন ছাত্ৰক লগুণ খুলিবলৈ বাধ্য কৰোঁৱা হৈছিল।
খবৰ অনুসৰি পৰীক্ষা হলত প্ৰৱেশৰ আগতে নিকা আৰু নিৰাপত্তা পৰীক্ষাৰ নামত লগুণ খুলি পৰীক্ষা দিবলৈ বাধ্য কৰোঁৱা হৈছিল ছাত্ৰজনক।
নামভৰ্তি পৰীক্ষাত বহিবলৈ যোৱা ছাত্ৰক তালাচীৰ নামত লগুণ খুলি পেলোৱাৰ অভিযোগ। পাটাছাৰকুছিৰ পৰা ভৱানীপুৰ আঞ্চলিক মহাবিদ্যালয়ত প্ৰৱেশ পৰীক্ষা দিবলৈ অহা ছাত্ৰৰ সৈতে সংঘটিত হ’ল এই অনাকাংক্ষিত ঘটনা।ঘটনা হোৱাৰ পিছত অস্বীকাৰ অধ্যক্ষৰ। এনেবোৰ ঘটনাই আজিৰ সমাজক অস্থিৰ কৰে! সাবধান হলে ভাল। pic.twitter.com/5sWoZ3VKyF
— Pankaj Bhattacharjee (@pankajbhatta) May 15, 2024
পাটাছাৰকুছি থানাত দাখিল কৰা এই এহাজাৰৰ ভিত্তিত ব্যৱস্থা গ্ৰহণৰ দাবী জনাইছে সংগঠনটো তথা ছাত্ৰজনৰ পৰিয়ালে।
