ঋতুস্ৰাৱ কেৱল স্বাস্থ্যৰ লগত জড়িত বিষয় নহয়,ই মানৱ অধিকাৰৰ বিষয়।শাৰীৰিক স্ব-শাসনৰ অধিকাৰ সকলোৰে আছে। ঋতুস্ৰাৱৰ সময়ত নিজৰ শৰীৰৰ যত্ন লোৱাৰ ক্ষমতা এই মৌলিক স্বাধীনতাৰ এক অপৰিহাৰ্য অংশ। তথাপিও লাখ লাখ লোকৰ ঋতুস্ৰাৱৰ সামগ্ৰী আৰু ঋতুস্ৰাৱৰ স্বাস্থ্যৰ বাবে পৰ্যাপ্ত সুবিধাৰ অভাৱ বৰ্তমানেও আছে।
এই কথা মনত ৰাখি এইবাৰ ঋতুস্ৰাৱৰ পৰিষ্কাৰ-পৰিচ্ছন্নতা দিৱসৰ বিষয় হ’ল: “Together for a #PeriodFriendlyWorld.”
ঋতুস্ৰাৱৰ দুৰ্বল স্বাস্থ্য আৰু পৰিষ্কাৰ-পৰিচ্ছন্নতাই ঋতুস্ৰাৱ হোৱাসকলৰ মৌলিক অধিকাৰক ক্ষতিগ্ৰস্ত কৰি সামাজিক আৰু অৰ্থনৈতিক বৈষম্য আৰু অধিক ভয়াৱহ কৰি তোলে। ঋতুস্ৰাৱৰ সময়ত লিংগ বৈষম্য, চৰম দৰিদ্ৰতা, মানৱীয় সংকট আৰু এলান্ধুকুলীয়া পৰম্পৰাই বৰ্তমান সময়তো সমাজত এক বাধাৰ প্ৰাচীৰ ৰূপে ঠিয় দি আহিছে৷
ঋতুস্ৰাৱৰ সচেতনতা বৃদ্ধিৰ বাবে বিশ্ব আৰু ৰাষ্ট্ৰীয় স্বাস্থ্য আৰু উন্নয়ন নীতিসমূহে ঋতুস্ৰাৱৰ স্বাস্থ্যক অগ্ৰাধিকাৰ দিব লাগে৷এই নীতিসমূহে মানৱ অধিকাৰ, জনস্বাস্থ্য, লিংগ সমতা আৰু বহনক্ষম উন্নয়নত ইয়াৰ গুৰুত্বপূৰ্ণ ভূমিকাক প্ৰতিফলিত কৰিব লাগে। বিদ্যালয়, কৰ্মক্ষেত্ৰ আৰু ৰাজহুৱা অনুষ্ঠানসমূহে যাতে আৰাম আৰু মৰ্যাদাৰে ঋতুস্ৰাৱ পৰিচালনা কৰিব পাৰে তাৰ প্ৰতি লক্ষ্য ৰাখিব লাগে। নীতিসমূহে দৰিদ্ৰ ঋতুস্ৰাৱ হোৱা ঋতুমতীসকলৰ দৰিদ্ৰতা দূৰ কৰিবলৈ চেষ্টা কৰিব লাগে, য’ত কম আয়ৰ মহিলা আৰু ছোৱালীয়ে ঋতুস্ৰাৱৰ সামগ্ৰী ক্ৰয় কৰিবলৈ সংগ্ৰাম কৰিবলগীয়া নহয় পানী আৰু অনাময় সেৱাৰ সুবিধা লাভ কৰে তাৰ প্ৰতি গুৰুত্ব দিব লাগে৷
ঋতুস্ৰাৱৰ স্বাস্থ্য আৰু পৰিষ্কাৰ-পৰিচ্ছন্নতাক সমৰ্থন কৰাৰ পদক্ষেপসমূহৰ ভিতৰত ইউএনএফপিএই শিক্ষাৰ পদক্ষেপ, নিৰাপদ অনাময় ব্যৱস্থা, চাবোন, ছেনিটেৰী পেডৰ দৰে অত্যাৱশ্যকীয় সামগ্ৰী যাতে ঋতুস্ৰাৱ হোৱা লোকসকলৰ ক্ৰয় কৰিব পাৰে তাৰ সুবিধা উল্লেখ যোগ্য৷
