ওড়িশাত প্ৰথমখন চৰকাৰ গঠন কৰাৰ পাছত প্ৰথমবাৰৰ বাবে বিতৰ্কৰ সন্মুখীন হ’ল বিজেপি। ৰাজ্যৰ নতুন মন্ত্ৰী সূৰ্যবংশী সুৰাজে বন্ধু-বান্ধৱীৰ সৈতে মদ্যপান কৰা ভিডিঅ’ পোষ্ট কৰি কংগ্ৰেছে ৰাজ্যৰ ৰাজনীতিত ধুমুহাৰ সৃষ্টি কৰিছে। মন কৰিবলগীয়া যে ৰাজ্যৰ প্ৰথম বিজেপি মুখ্যমন্ত্ৰী মোহনচৰণ সিঙে দেওবাৰে সূৰ্যবংশীক উচ্চ শিক্ষা, ক্ৰীড়া আৰু যুৱ কল্যাণৰ উপৰিও ওড়িয়া ভাষা, সাহিত্য আৰু সাংস্কৃতিক মন্ত্ৰী হিচাপে নিযুক্তি দিয়ে। কংগ্ৰেছৰ এই আক্ৰমণৰ প্ৰতি সঁহাৰি জনাই বিজেপিয়েও প্ৰত্যাক্ৰমণ আৰম্ভ কৰিছে।
উল্লেখ্য যে যোৱা ১২ জুনত ওড়িশাৰ মুখ্যমন্ত্ৰী হিচাপে শপত গ্ৰহণ কৰাৰ পাছত কালি অৰ্থাৎ দেওবাৰে মোহনে বিভাগ বিতৰণ কৰে। তাৰ পাছত কংগ্ৰেছে ৰাজ্যৰ উচ্চ শিক্ষামন্ত্ৰীৰ আচৰণৰ ভাইৰেল ভিডিঅ’ পোষ্ট কৰি পৰিস্থিতি গৰম কৰিবলৈ চেষ্টা কৰে।
यह सूर्यबंशी सूरज हैं
ओडिशा की BJP सरकार में मंत्री हैं
इनके मंत्रालय हैं:
• उच्च शिक्षा मंत्रालय
• युवा एवं खेल मंत्रालय
• ओड़िया भाषा, साहित्य और संस्कृति मंत्रालय pic.twitter.com/bOBA1qKVz2— Supriya Shrinate (@SupriyaShrinate) June 16, 2024
ওপৰৰ ভিডিঅ’ত দেখা এইজনেই সূৰ্যবংশী সুৰাজ, কংগ্ৰেছৰ ছ’চিয়েল মিডিয়া আৰু ডিজিটেল প্লেটফৰ্মৰ অধ্যক্ষ সুপ্ৰিয়া শ্ৰীনাটে নিজৰ অফিচিয়েল হেণ্ডেলত ভিডিঅ’টো শ্বেয়াৰ কৰে।
সুপ্ৰিয়াৰ এই পোষ্টটোৱে ইণ্টাৰনেটত মিশ্ৰিত প্ৰতিক্ৰিয়াৰ সৃষ্টি কৰিছিল। একাংশই সূৰ্যবংশীৰ পদত্যাগৰ দাবী জনাইছে।
এগৰাকী ছ’চিয়েল মিডিয়া ব্যৱহাৰকাৰীয়ে ছোনিয়া গান্ধীয়ে প্ৰাক্তন প্ৰধানমন্ত্ৰী ৰাজীৱ গান্ধীৰ সৈতে মদ্যপান কৰি থকা এখন ছবি পোষ্ট কৰে। টেবুলত মদৰ বটলৰ ছবি এখন লৈ তেওঁ লিখিলে, মদ খোৱা সকলোৱেই অযোগ্য নেকি?
কিন্তু, যদিও সুপ্ৰিয়া শ্ৰীনাটে এই ভিডিঅ’টোত বিশেষ একো লিখা নাই, তথাপিও ইণ্টাৰনেটত বহুজনে কৈছে যে এইটো এটা পুৰণি ভিডিঅ’। তেতিয়া ওড়িশাত বিজেপি চৰকাৰ নাছিল আৰু সূৰ্য্যবংশী মন্ত্ৰীও নাছিল।