কনিষ্ঠ পুত্ৰ অনন্ত আম্বানীৰ বিয়াৰ পূৰ্বে নীতা আৰু মুকেশ আম্বানীয়ে ২ জুলাইত মহাৰাষ্ট্ৰৰ পালঘৰৰ ৫০ টাতকৈও অধিক আৰ্থিকভাৱে দুৰ্বল দম্পতীৰ বাবে এক গণ বিবাহৰ আয়োজন কৰে।উল্লেখ্য যে, অনন্ত আম্বানী আৰু ৰাধিকা মাৰ্চেণ্টৰ বিবাহ ১২ জুলাইত মুম্বাইত হ’ব।
ইফালে থানেৰ ৰিলায়েন্স কৰ্পৰেট পাৰ্কত অনুষ্ঠিত হোৱা গণ বিবাহ অনুষ্ঠানত প্ৰায় ৮০০ লোকে দম্পতীহালৰ পৰিয়ালক প্ৰতিনিধিত্ব কৰে। এই অনুষ্ঠানত নীতা আৰু মুকেশ আম্বানীৰ লগতে আকাশ আম্বানী আৰু শ্লোক মেহতা, আৰু ঈশা আম্বানী আৰু আনন্দ পিৰামল উপস্থিত থাকে।
প্ৰতিহাল দম্পতীক মংগলসূত্ৰ, বিয়াৰ আঙঠি, নাকৰ আঙঠিকে ধৰি সোণৰ অলংকাৰ উপহাৰ দিয়া হৈছিল। তেওঁলোকে ৰূপৰ অলংকাৰো লাভ কৰিছিল, যেনে ভৰিৰ আঙুলিৰ আঙঠি আৰু ভৰিৰ গোৰোহা। ইয়াৰ উপৰিও প্ৰতিগৰাকী কইনাক তেওঁৰ ‘স্ত্ৰীধন’ হিচাপে ১.০১ লাখ টকাৰ চেক প্ৰদান কৰা হয়।
দম্পতীহালে এবছৰৰ বাবে যথেষ্ট গেলামাল আৰু ঘৰুৱা সামগ্ৰীও লাভ কৰে, য’ত বিভিন্ন ধৰণৰ ৩৬টা অত্যাৱশ্যকীয় সামগ্ৰী আৰু বাচন-বৰ্তন, গেছ ষ্ট’ভ, মিক্সাৰ আৰু ফেনৰ দৰে সঁজুলিৰ লগতে বিচনা আৰু আঠুৱাও লাভ কৰে।
এক বৃহৎ ৰাতিৰ আহাৰ গ্ৰহণৰ আয়োজন কৰা হয়, লগতে অতিথিসকলক ৱাৰলী জনগোষ্ঠীয়ে পৰিবেশন কৰা পৰম্পৰাগত তৰ্পা নৃত্যৰ সাক্ষী হ’বলৈও আমন্ত্ৰণ জনোৱা হয়, যিয়ে সন্ধিয়াটোত এক চহকী সাংস্কৃতিক অভিজ্ঞতা যোগ কৰে।
“মানৱ সেৱা হি মাধৱ সেৱা (মানৱ সেৱাই ঈশ্বৰৰ সেৱা)” নীতিৰ দৃঢ় বিশ্বাসী আম্বানী পৰিয়ালৰ পৰম্পৰা আছে যে পৰিয়ালৰ প্ৰতিটো ডাঙৰ অনুষ্ঠানৰ আৰম্ভণিতে আনৰ যোগান আৰু সেৱা কৰি, যাৰ ফলত সমাজৰ প্ৰতি তেওঁলোকৰ দায়বদ্ধতা অধিক শক্তিশালী হয়।
ইফালে ২৯ জুনত আম্বানীৰ মুম্বাইৰ বাসগৃহ এন্টিলিয়াত অন্তৰংগ পূজা অনুষ্ঠানৰ জৰিয়তে আৰম্ভ হয় অনন্ত আম্বানীৰ বিবাহ উৎসৱ।১২ জুলাইত মুম্বাইৰ জিঅ’ ৱৰ্ল্ড কনভেনশ্যন চেণ্টাৰত বিবাহপাশত আবদ্ধ হ’ব দম্পতীহালৰ।
তিনিদিনীয়া এই বিয়াখনত তিনিটা অনুষ্ঠান অনুষ্ঠিত হ’ব- ‘শুভ বিবাহ’ৰ পাছত ১৩ জুলাইত ‘শুভ আশীৰ্বাদ’ আৰু ১৪ জুলাইত ‘মংগল উৎসৱ’ বা বিয়াৰ অভ্যৰ্থনা।
