দেশৰ বিভিন্ন প্ৰান্তৰ পৰা আহিছে যৌন নিৰ্যাতন, ধৰ্ষণৰ দৰে ঘটনাৰ খবৰ। দিনক দিনে যেন বাঢ়ি গৈ আছে। এইবাৰ বিদ্যালয়ত এনে এক ঘটনা সংঘটিত হ’ল যিয়ে সকলোকে ভয় খুৱাব। অসমৰ এগৰাকী স্কুলীয়া ছোৱালীক জোৰকৈ পৰ্ণগ্ৰাফী দেখুৱাবলৈ অভিযোগ উত্থাপন হৈছে। আৰু ইয়াৰ বাবেই বিদ্যালয়খন ভাঙি জুই লগাই দিয়া হয়। এই ঘটনাৰ অভিযুক্ত বিদ্যালয়খনৰ প্ৰধান শিক্ষক।
অসমৰ কৰিমগঞ্জ জিলাৰ এখন চৰকাৰী বিদ্যালয়ত এনে ঘটনা সংঘটিত হোৱা বুলি জানিব পৰা গৈছে। অভিযোগ অনুসৰি সেই বিদ্যালয়ৰ প্ৰধান শিক্ষকে এগৰাকী ছাত্ৰক জোৰকৈ পৰ্ণগ্ৰাফী দেখুৱাবলৈ চেষ্টা কৰিছিল। এই খবৰ পোহৰলৈ অহাৰ পাছতে বাকী ছাত্ৰ-ছাত্ৰীৰ অভিভাৱকে বিদ্যালয়খনলৈ গৈ ভাঙি লণ্ডভণ্ড কৰি জুই লগাই দিয়ে। অৱশ্যে আৰক্ষীয়ে আটক কৰিব নোৱাৰিলে অভিযুক্তক। জানিব পৰা মতে শিক্ষকজন পলায়ন কৰিছে। ছোৱালীজনীৰ পিতৃ-মাতৃয়ে অৱশ্যে দাবী কৰিছে যে কেৱল পৰ্ণগ্ৰাফীহে দেখুওৱা হোৱা নাছিল, তেওঁলোকৰ কন্যাক যৌন নিৰ্যাতনো কৰা হৈছিল।
ছাত্ৰীগৰাকীৰ পৰিয়ালে আৰক্ষীক জনোৱা মতে, বিগত কিছুদিন ধৰি এনেধৰণৰ ঘটনা সংঘটিত হৈ আহিছে। তেওঁলোকে কিবা সন্দেহ কৰিছিল যদিও ছোৱালীজনীয়ে ভয়ত একো কোৱা নাছিল। অৱশেষত শনিবাৰে পোহৰলৈ আহে এই ঘটনা। ইয়াৰ পাছতে বাকী থকা ছাত্ৰ-ছাত্ৰীৰ অভিভাৱকে বিদ্যালয়খন ভাঙি জুই লগাই দিয়ে। শিক্ষকজনৰ বিৰুদ্ধে ব্যৱস্থা গ্ৰহণ কৰা হৈছে। তাৰ পাছত আৰক্ষীয়ে শিক্ষকজনৰ বিৰুদ্ধে POCSO আইনৰ অধীনত গোচৰ ৰুজু কৰে। তেওঁৰ সন্ধান আৰম্ভ কৰা হৈছে।
অভিভাৱকসকলে প্ৰতিবাদ সাব্যস্ত কৰাৰ সময়ত বিদ্যালয়খনত উপস্থিত আছিল প্ৰধান শিক্ষকগৰাকী। বহু লোকে তেওঁক আক্ৰমণ কৰিছিল। কিন্তু কেনেবাকৈ নিজকে বচাই তাৰ পৰা পলায়ন কৰে। ইফালে, বিদ্যালয়খনত ভাঙি-ছিঙি জুই লগোৱাৰ ঘটনাৰ প্ৰতি লক্ষ্য ৰাখি কঠোৰ ব্যৱস্থা গ্ৰহণ কৰা হ’ব বুলি আৰক্ষী অধীক্ষকে জানিবলৈ দিয়ে। তেওঁৰ মতে, চৰকাৰী সম্পত্তি ধ্বংস কৰা সকলক ৰেহাই দিয়া নহ’ব।
