ক্ৰিকেটৰ পৰা বিদায় ল’লে শিখৰ ধাৱানে; কোনো ক্ৰিকেটেই আৰু নেখেলে ভাৰতীয় অ’পেনাৰগৰাকীয়ে

ক্ৰিকেটক বিদায় দিলে ভাৰতীয় ক্ৰিকেটাৰ শিখৰ ধাৱনে। আন্তঃৰাষ্ট্ৰীয় আৰু ঘৰুৱা ক্ৰিকেট দুয়োটাৰ পৰাই আঁতৰি আহিল ধাৱান। ভাৰতীয় অ’পেনাৰগৰাকীয়ে ছ’চিয়েল মিডিয়াত পোষ্ট কৰি এই কথা সদৰী কৰে। অৱসৰৰ কথা ঘোষণা কৰি ধাৱানে লিখিছে, ‘মোৰ ক্ৰিকেট যাত্ৰা শেষ হ’ল। অগণন স্মৃতি আৰু কৃতজ্ঞতা থাকি গ’ল। যি মৰম আৰু সহায় পালো তাৰ বাবে ধন্যবাদ। জয় হিন্দ।”

২০২২ চনৰ ডিচেম্বৰ মাহত শেষবাৰৰ বাবে দেশৰ হৈ খেলিছিল ৩৮ বছৰীয়া ধাৱানে। বাংলাদেশৰ বিৰুদ্ধে সেই এদিনীয়া শৃংখলাৰ পিছত ভাৰতীয় দলত নিজৰ স্থান হেৰুৱাইছিল। তেওঁৰ ঠাই ল’লে শুভমান গিলে।

ভিডিঅ’ মেছেজত ধাৱানে কয়, ‘মোৰ এটাই লক্ষ্য আছিল, দেশৰ হৈ খেলা। সেই লক্ষ্য পূৰণ হৈছে। বহুতকে অশেষ ধন্যবাদ। প্ৰথমে মোৰ পৰিয়াল, মোৰ শৈশৱৰ প্ৰশিক্ষক তাৰক সিং আৰু মদন শৰ্মাক। তেওঁলোকৰ প্ৰশিক্ষণত মই ক্ৰিকেট শিকিলোঁ। তাৰ পিছত মই মোৰ গোটেই দলটোক ধন্যবাদ জনাইছো যাৰ লগত মই খেলিছো, আৰু এটা পৰিয়াল পাইছো। সকলোৰে মৰম আৰু সমৰ্থন পালোঁ। গল্পৰ কিতাপ পঢ়ি থাকোঁতে পৃষ্ঠা লুটিয়াই যোৱাৰ দৰেই কৰি আছো। আন্তঃৰাষ্ট্ৰীয় আৰু ঘৰুৱা ক্ৰিকেটৰ পৰা অৱসৰ লৈছো।”

লগতে পঢ়কঃ আৰক্ষীৰ জিম্মাৰ পৰা পলাবলৈ গৈ পুখুৰীত ডুবি মৃত্যু ধিঙৰ ধৰ্ষণ কাণ্ডৰ প্ৰধান অভিযুক্তৰ

ধাৱানে ভাৰতী ক্ৰিকেট ব’ৰ্ড আৰু দিল্লী ক্ৰিকেট সন্থাকো ধন্যবাদ জ্ঞাপন কৰে। তেওঁ লগতে সমৰ্থকসকলক ধন্যবাদ জ্ঞাপন কৰে।

তেওঁ কয়, ‘দেশৰ হৈ খেলিবলৈ পাই মই ধন্য। বি চি চি আই, ডি ডি চি এয়ে মোক সেই সুযোগ দিলে। অনুৰাগীৰ মৰমো পাইছিলোঁ। মই নিজকে ক’ব বিচাৰো যে দেশৰ হৈ খেলিব নোৱাৰো বুলি দুখ অনুভৱ কৰাৰ প্ৰয়োজন নাই, বৰঞ্চ দেশৰ হৈ খেলিবলৈ পাইছো বুলি ভাবি সুখী হোৱা উচিত।’

বাওঁহতীয়া অ’পেনাৰগৰাকীয়ে দেশৰ হৈ ৩৪খন টেষ্ট, ১৬৭খন এদিনীয়া আৰু ৬৮খন টি-২০ মেচ খেলিছে। টেষ্টত তেওঁৰ ৭ টা শতক আছে। ২৩১৫ ৰান সংগ্ৰহ কৰিছে। ধাৱানে এদিনীয়া ক্ৰিকেটত ১৭ টা শতকসহ ৬৭৯৩ ৰান সংগ্ৰহ কৰিছে। ৰোহিত শৰ্মাৰ সৈতে তেওঁৰ পাৰ্টনাৰশ্বিপত ভাৰতে বহু মেচত জয়লাভ কৰিছে। বিশেষকৈ আই চি চিৰ প্ৰতিযোগিতাত ৰোহিত আৰু ধাৱানৰ সফলতা আকৰ্ষণীয়।

As I close this chapter of my cricketing journey, I carry with me countless memories and gratitude. Thank you for the love and support! Jai Hind! 🇮🇳 pic.twitter.com/QKxRH55Lgx

— Shikhar Dhawan (@SDhawan25) August 24, 2024

শিখৰ ধাৱানে দেশৰ জাৰ্চি পিন্ধি টি-২০ত ১৭৫৯ ৰান সংগ্ৰহ কৰিছে। তেওঁ ভাৰতক কেইবাখনো এদিনীয়া মেচতো নেতৃত্ব দিছে। ধাৱানে দিল্লী ডেয়াৰডেভিলছ (২০০৮), মুম্বাই ইণ্ডিয়ানছ (২০০৯-২০১০), ডেকান চাৰ্জাৰ্ছ (২০১১-২০১২), ছানৰাইজাৰ্ছ হায়দৰাবাদ (২০১৩-২০১৮), দিল্লী কেপিটেলছ (২০১৯-২০২১) আৰু পঞ্জাব কিংছ (২০২২-২০২৪)ৰ হৈ আইপিএলত খেলিছে।