আপুনি হয়তো ভাবিছিল, কামকলৈ অকল আপুনিয়েই অসন্তুষ্ট! কৰ্মক্ষেত্ৰত আপোনাৰ দৰে সমস্যাৰ সন্মুখীন আন কোনোৱে হোৱা নাই? এটা সমীক্ষাত কোৱা হৈছে যে এই ধাৰণাটো একেবাৰেই শুদ্ধ নহয়। আপোনাৰ কাষত বহি থকা সহকৰ্মীজনেও একে কথাই ভাবি আছে। আনকি তেওঁ মনে মনে পদত্যাগ কৰাৰ সিদ্ধান্ত লৈ পেলালেও আচৰিত হ’বলগীয়া একো নাই।
কৰ্মক্ষেত্ৰৰ সুখৰ সন্ধান কৰা সংস্থা হেপিয়েষ্ট প্লেচেছ টু ৱৰ্ক নামৰ সংস্থাটোৱে শেহতীয়াকৈ ভাৰতীয় কৰ্মচাৰীৰ ওপৰত এক সমীক্ষা চলাইছিল। সেই সমীক্ষাৰ প্ৰতিবেদন অনুসৰি দেশৰ বিভিন্ন কাৰ্যালয়ত কৰ্মৰত ৭০ শতাংশ কৰ্মচাৰী চাকৰিত সন্তুষ্ট নহয়। আৰু ৫৪ শতাংশ কৰ্মচাৰীয়ে চাকৰি এৰি যোৱাৰ কথা চিন্তা কৰিছে।
লগতে পঢ়কঃ পেজাৰৰ পিছত লেবাননত এইবাৰ ৱাকিটকি, লেণ্ডলাইনত ধাৰাবাহিক বিস্ফোৰণ! কমেও ৩২ জনৰ মৃত্যু, আহত ৩হাজাৰ
এই সন্তুষ্টি কোন কোন কাৰকৰ ওপৰত নিৰ্ভৰ কৰে, কৰ্মচাৰীৰ স্বচ্ছন্দতাৰ ওপৰত নিৰ্ভৰ কৰে, ইয়াৰ কোনো নিৰ্দিষ্ট মাপকাঠী নাই। সমীক্ষাটোৰ মতে, একে বয়সৰ বিভিন্ন কৰ্মচাৰীৰ স্বচ্ছন্দতা বিভিন্ন কাৰকৰ ওপৰত নিৰ্ভৰশীল। কোনোৱে কৰ্ম সংস্কৃতিৰ ওপৰত গুৰুত্ব দিয়ে, কোনোৱে কৰ্ম পৰিৱেশৰ ওপৰত গুৰুত্ব দিয়ে, কোনোৱে সহকৰ্মীৰ সৈতে কাম কৰাৰ স্বাচ্ছন্দ্যৰ ওপৰত গুৰুত্ব দিয়ে।
কিন্তু পুৰুষ আৰু মহিলা কৰ্মচাৰীৰ মাজত কৰ্মক্ষেত্ৰত সন্তুষ্টিৰ কিছুমান সাধাৰণ প্ৰৱণতাও দেখা গৈছে। উদাহৰণস্বৰূপে, পূৱ আৰু মধ্য ভাৰতৰ মহিলা কৰ্মচাৰীসকলৰ চাকৰি সন্তুষ্টিৰ মাত্ৰা দেশৰ অন্যান্য প্ৰান্তৰ মহিলাসকলতকৈ অধিক। আকৌ উত্তৰ ভাৰতৰ পুৰুষ কৰ্মচাৰীসকল দেশৰ আন প্ৰান্তৰ পুৰুষতকৈ কৰ্মক্ষেত্ৰত অধিক সুখী।
কৰ্মচাৰীসকলে সাধাৰণতে বেংক আৰু বিত্তীয় প্ৰতিষ্ঠানৰ কাৰ্যালয়ত কাম কৰাত অধিক স্বচ্ছন্দ্য অনুভৱ কৰে। আৰু কৰ্মচাৰীৰ বাবে আটাইতকৈ অসন্তুষ্টিৰ কৰ্মক্ষেত্ৰ হ’ল নিৰ্মাণ উদ্যোগ।
লগতে পঢ়কঃ গা ধোৱাৰ সময়ত হয় বেছিভাগ হাৰ্ট এটেক! এইবোৰ কথা জানিলে ৰক্ষা কৰিব পাৰিব বহুতৰে জীৱন
সমীক্ষাটোত কোৱা হৈছে যে চাকৰি এৰি যোৱাৰ কথা চিন্তা কৰা ৫৪ শতাংশ কৰ্মচাৰীৰ ভিতৰত চাকৰি এৰি যোৱাৰ মূল কাৰণ হৈছে উন্নতিৰ অপূৰণীয় চাহিদা বা কৰ্মক্ষেত্ৰত পৰ্যাপ্ত সহায়ৰ অভাৱ।
