সপোনৰ সদাগৰ মোদীয়ে এটা সময়ত সপোন দেখুৱাইছিল কিন্তু বাস্তৱত যেন তাৰ ওলোটাটোহে হ’বলৈ ল’লে!
মোদীৰ স্বপ্ন আছিল এনেধৰণৰ – ডলাৰৰ তুলনাত বাংলাদেশৰ মুদ্ৰাৰ মূল্য নকমে, নেপালৰ নকমে আনকি পাকিস্তানৰো নকমে, ভাৰতৰ টকাৰ মূল্য ডলাৰৰ তুলনাত কিয় কমি গৈ আছে সঘনাই?
পিছে…. য়ে ক্যা মোদী জী…… এতিয়া কিয় কমি কমি গৈ আছে ডলাৰৰ তুলনাত টকাৰ মূল্য? সপোন দেখুওৱা হৈছিল – প্ৰতি এক ডলাৰৰ বিপৰীতে টকাৰ মূল্য ৪০ টকা হ’ব; কিন্তু ওহোঁ…. এতিয়া প্ৰতি এক ডলাৰৰ বিপৰীতে টকাৰ মূল্য অৱনমিত হৈ হ’লগৈ ৮৪.০৫ টকা।
সপোনৰ সদাগৰ নৰেন্দ্ৰ মোদী শাসনলৈ অহাৰ পূৰ্বৰ সেই দিনবোৰৰ কথা ভাৱকচোন! সেয়া আছিল ২০১৩ চনৰ ২৮ আগষ্টৰ কথা। সেই দিনটোতে টকাৰ বিপৰীতে ডলাৰৰ মূল্য কমি হৈছিলগৈ ৬৮.৮০ টকা। কিন্তু মোদী জী… য়ে চব ক্যা হো গেয়া…. আপকে দিন মে ৰূপী কা মূল্য ডলাৰ কে তুলনে কিউ গিৰা? আপুনি শাসনলৈ অহাৰ পাছৰে পৰা ডলাৰৰ বিপৰীতে টকাৰ মূল্য বৃদ্ধি পোৱাৰ দেখোন নাম গোন্ধই নোলোৱা হ’ল? ক’ত সেই সপোন দেখুওৱা ৪০ টকা আৰু ক’ত এতিয়াৰ ৮৪.০৫ টকা…. ৱাহ মোদী জী ৱাহ… চাব্বাছ…. চাব্বাছ…. স্বাধীনতাৰ পাছততো আপুনিয়েই একেবাৰে টকাৰ মূল্য একেবাৰে সৰ্বনিম্ন কৰি পেলালে।
এইগৰাকী গুৰুদেৱ শ্ৰী শ্ৰী ৰবিশংকৰ। ২০১৪ চনৰ ২১ মাৰ্চৰ নিশা ১২:৩১ ত কৰা এই টুইটলৈ ভালদৰে মন কৰক। যদি নৰেন্দ্ৰ মোদী শাসনলৈ আহে তেন্তে টকাৰ মূল্য বৃদ্ধি পাই প্ৰতি ডলাৰৰ বিপৰীতে ৪০ টকা হ’ব। কিন্তু সকলো ফুচ, ফুটুকাৰ ফেন বা ধোঁৱাচাঙত।
৪০ৰ দুগুণ হৈয়ো ৪ টকা বেছিহে হ’লগৈ এক ডলাৰৰ বিপৰীতে টকাৰ মূল্য।
এটা সাংঘাটিক কথা মন কৰিব, ডলাৰ বিপৰীতে টকাৰ মূল্য হ্ৰাস হ’লে কি কি বিপদে দেখা দিব দেশবাসীক? মূল্য হ্ৰাসৰ ফলত ৰপ্তানিৰ ব্যয়, নিৱনুৱা বৃদ্ধি আৰু অসংগঠিত শ্ৰমিকৰ মজুৰিও হ্ৰাস পাব। বিপৰীতে আকৌ বৃদ্ধি পাব আমদানি কৰা সামগ্ৰীৰ মূল্য। কিয়নো ডলাৰৰ মাধ্যমেৰে সেই সামগ্ৰীসমূহ ক্ৰয় কৰিব লাগিব। এই সন্দৰ্ভত বিশিষ্ট অৰ্থনীতিবিদ ড০ জয়দ্বীপ বৰুৱাই নৰ্থ ইষ্ট নাওৰ কথন অনুষ্ঠানত কি কৈছিল আপোনালোকলৈ বুলি আগবঢ়ালো।
ভাৱকচোন কিমান ভয়াবহ এই কথা। ডলাৰৰ তুলনাত টকাৰ মূল্য হ্ৰাস পোৱাৰ ফলত যি ইন্ধনৰ মূল্য সেয়াও ক্ৰমান্বয়ে বৃদ্ধি পাই গৈ আছে। কেনেকৈ? যেতিয়া বেলেগ দেশৰ পৰা তেলৰ আমদানি কৰিব তেতিয়া অধিক মূল্যত ক্ৰয় কৰিব লাগিব বা খৰচো বৃদ্ধি পাব। যাৰ ফলত ভাৰতৰ বজাৰতো পেট্ৰ’ল, ডিজেল, ৰন্ধন গেছ ইত্যাদিৰ মূল্য বৃদ্ধি পাই গৈ থাকিব। সেয়েতো হৈ আছে দেশত। নহয় জানো! আনফালে নিয়োগৰ ক্ষেত্ৰত সমস্যাৰ সৃষ্টি হ’লে নিবনুৱা সমস্যা আছেই, যোৱা ৭ বছৰমান ধৰি নিবনুৱাৰ হাৰ একেবাৰে উচ্চত আছে। ডলাৰৰ তুলনাত টকাৰ মূল্য হ্ৰাস পালে বিকাশৰ হাৰ স্থবিৰ হৈ পৰিব। আৰু এই কথাখিনিকে যদি যুক্তি সহকাৰে বুজাই দিয়ে বা দিওঁ তেতিয়াহ’লে একাংশ অন্ধ ভক্তৰ বাবে আপুনি বা মই হৈ পৰো কংগ্ৰেছৰ দালাল, কংগ্ৰেছৰ চামচা। তেওঁলোকৰ মতে, এইবোৰ যুক্তি চুক্তি বাদ দিয়ক আৰু অন্ধ হৈ কৈ দিয়ক – মোদী হে টু না মুমকিন হে। বোলো বোলো ভাৰত মাতা কি জয়। জয় জয় চিয়া ৰাম!
