একেৰাহে তিনিদিন ধৰি দিল্লীৰ প্ৰদূষণ আতংকজনক হৈ পৰিছে। ভয়াৱহ প্ৰদূষণৰ বাবে ইতিমধ্যে দিল্লী চৰকাৰে কেইবাটাও নিষেধাজ্ঞা জাৰি কৰিছে। অধিসূচনা অনুসৰি পৰৱৰ্তী নিৰ্দেশ নিদিয়া পৰ্যন্ত সকলো প্ৰাথমিক বিদ্যালয়তে অনলাইন শ্ৰেণী অনুষ্ঠিত হ’ব।
ইয়াৰ উপৰিও যিবোৰ নিৰ্মাণ ভঙা বা জৰুৰী নহয়, তেনে নিৰ্মাণ কাম বন্ধ কৰিব লাগে বুলি কোৱা হৈছে। গুৰুগ্ৰাম, ফৰিদাবাদ, গাজিয়াবাদ, নয়ডাকে ধৰি দিল্লীত বি এছ ৩ পেট্ৰ’ল, বি এছ ৪ ডিজেল চাৰিচকীয়া বাহন চলাচল নিষিদ্ধ কৰা হৈছে।
লগতে পঢ়কঃ ক্ৰছ ভোটিঙতো ভাগ্য সলনি নহ‘ল বিজেপিৰ; দিল্লী পৌৰনিগমৰ মেয়ৰ পদত জয়ী আপ প্ৰাৰ্থী
জৰুৰীকালীন অৱস্থাৰ বাহিৰে ডিজেল চালিত জেনেৰেটৰ ব্যৱহাৰ কৰাত নিষেধাজ্ঞা আৰোপ কৰা হৈছে। পথৰ ধূলিবোৰ অবিৰতভাৱে পানীৰে পৰিষ্কাৰ কৰিব লাগিব। লগতে আৰু একাধিক নিষেধাজ্ঞা জাৰি কৰা হৈছে।
উল্লেখ্য যে শুকুৰবাৰে পুৱা দিল্লীৰ বায়ুৰ গুণগত মান আছিল ৪৯৮। যিটোক ভয়ংকৰ বুলি বিবেচনা কৰা হয়। শুকুৰবাৰে দিল্লীয়ে বিশ্বৰ দ্বিতীয় প্ৰদূষিত চহৰৰ স্থান লাভ কৰে। শুকুৰবাৰে পাকিস্তানৰ লাহোৰত সৰ্বাধিক প্ৰদূষণ হৈছে। পুৱা তাত বায়ুৰ গুণগত মান আছিল ৭২০।
লগতে পঢ়কঃ বিশ্বকাপৰ কোৱালিফাইং মেচত মেছিৰ আৰ্জেণ্টিনাক পৰাস্ত কৰি চমক পেৰাগুৱেৰ
শুকুৰবাৰে পুৱা দিল্লীৰ সৰ্বাধিক প্ৰদূষিত পাঁচটা অঞ্চল হৈছে ক্ৰমে জাহাংগীৰপুৰী (৪৯৮), বাৱানা (৪৫৫), ৱাজিৰপুৰ (৪৫৫), ৰোহিনী (৪৫২), পাঞ্জাবী বাগ (৪৪৩)। পালাম আৰু ছফদৰজঙত ই হৈছে ক্ৰমে ৫০০ আৰু ৪০০।
