বিশ্ববিদ্যালয় আৰু প্ৰযুক্তি জগতৰ আগশাৰীৰ উদ্যোগী ইলন মাস্কে শেহতীয়াকৈ তেওঁৰ মন্তব্যৰে তোলপাৰ লগাই দিছে। আমেৰিকাৰ ৰাষ্ট্ৰপতি ড’নাল্ড ট্ৰাম্প পুনৰ নিৰ্বাচিত হোৱাৰ পিছতে ইলন মাস্কে ঘোষণা কৰে যে তেওঁৰ কোম্পানী স্পেচএক্সৰ অতি অভিলাষী “আৰ্থ টু আৰ্থ” মহাকাশ ভ্ৰমণ প্ৰকল্প অতি সোনকালে কাৰ্যকৰী হ’ব। ইয়াৰ উপৰিও বিশ্বজুৰি মহাকাশ ভ্ৰমণৰ জৰিয়তে এখন দেশৰ পৰা আন এখন দেশত উপনীত হোৱাৰ সময়ত এক বৈপ্লৱিক পৰিৱৰ্তন আহিব।
স্পেচএক্সৰ ষ্টাৰশ্বিপ ৰকেটৰ দ্বাৰা এই যাত্ৰা সম্ভৱ হ’ব পাৰে। এই ৰকেটটোক বিশ্বৰ আটাইতকৈ শক্তিশালী ৰকেট বুলি গণ্য কৰা হয় আৰু প্ৰায় দহ বছৰ আগতে এই প্ৰকল্পটো প্ৰথম প্ৰস্তাৱ কৰা হৈছিল। ই পৃথিৱীৰকক্ষপথ প্ৰদক্ষিণ কৰি থাকিব আৰু ই গভীৰ মহাকাশলৈ যাত্ৰা নকৰাকৈ পৃথিৱীৰ পৃষ্ঠৰ কাষেৰে চলি থাকিব। ইয়াৰ ফলত পূৰ্বৰ যিকোনো ধৰণৰ ভ্ৰমণতকৈ বহু বেছি দ্ৰুত গতিৰে আন্তঃৰাষ্ট্ৰীয় যাত্ৰা সম্ভৱ হ’ব।
ইলন মাস্কৰ মতে, ষ্টাৰশ্বিপ ৰকেটৰ জৰিয়তে ১০০০ যাত্ৰী একেলগে যাত্ৰা কৰিব পাৰিব। দ্য ডেইলী মেইলত প্ৰকাশিত এক প্ৰতিবেদন অনুসৰি এই ৰকেটটোৱে লছ এঞ্জেলছৰ পৰা টৰোন্টো ২৪ মিনিটত, লণ্ডনৰ পৰা নিউয়ৰ্ক ২৯ মিনিটত, দিল্লীৰ পৰা ছান ফ্ৰান্সিস্কো ৩০ মিনিটত আৰু নিউয়ৰ্কৰ পৰা চাংহাই ৩৯ মিনিটত উপস্থিত হ’বলৈ সক্ষম হ’ব।
লগতে পঢ়কঃ ধনুষৰ বিৰুদ্ধে খঙত জ্বলি উঠিল নয়নতৰা! মুকলি চিঠিৰে দিলে প্ৰত্যুত্তৰ
এই প্ৰকল্পটোক লৈ শেহতীয়াকৈ ছ’চিয়েল মিডিয়াত যথেষ্ট চৰ্চা হৈ পৰিছে। এক্স (পূৰ্বৰ টুইটাৰ)ত @ajtourville নামৰ এজন ব্যৱহাৰকাৰীয়ে এই প্ৰকল্পৰ প্ৰচাৰমূলক ভিডিঅ’ শ্বেয়াৰ কৰি কয় যে যদি ফেডাৰেল এভিয়েশন প্ৰশাসনে (এফ এ এ) ট্ৰাম্পৰ দ্বিতীয় প্ৰশাসনৰ অধীনত প্ৰকল্পটোত অনুমোদন দিয়ে তেন্তে ইয়াক কাৰ্যকৰী কৰিব পৰা যাব।
পোষ্টটোত ইলন মাস্কে মন্তব্য কৰে যে এইটো এতিয়া সম্ভৱ। তেওঁৰ এই মন্তব্য ছ’চিয়েল মিডিয়াত বহুলভাৱে শ্বেয়াৰ কৰা হৈছে আৰু তেওঁৰ দৃষ্টিভংগীকলৈ এক আলোচনাৰ সৃষ্টি হৈছে। এয়া কেৱল উন্নত প্ৰযুক্তিৰ উদাহৰণেই নহয়, ইয়াৰ দ্বাৰা পৰিবহণৰ বিষয়ে বিশ্বৰ চিন্তাধাৰাও সলনি হ’ব পাৰে।
যদিহে ষ্টাৰশ্বিপৰ উৰণৰ সময় বহু পৰিমাণে হ্ৰাস কৰি এখন মহাদেশৰ পৰা আন এখন মহাদেশলৈ যাত্ৰা কৰাটো সম্ভৱ হয়, তেন্তে বিশ্বৰ মানুহৰ মাজত যোগাযোগৰ নতুন দিগন্ত মুকলি হ’ব। ই দৈনিক আন্তঃৰাষ্ট্ৰীয় ব্যৱসায়, পৰ্যটন, শিক্ষা আৰু অন্যান্য ক্ষেত্ৰত বৃহৎ পৰিৱৰ্তন আনিব।
লগতে পঢ়কঃ জানি থোৱা ভাল, মোবাইলত কথা পাতি পাতি খাদ্য খোৱাৰ ফলত যিবোৰ ক্ষতি হ’ব পাৰে
এতিয়ালৈকে ইলন মাস্কে স্ব-চালিত প্ৰযুক্তি, মহাকাশ ভ্ৰমণ আৰু ৰকেট প্ৰযুক্তিৰ ক্ষেত্ৰত নিজৰ অভিনৱ দৃষ্টিভংগীৰে বিশ্বৰ চকু কপালত তুলিছে। যদিও এই প্ৰকল্পৰ ৰূপায়ণৰ সন্দৰ্ভত এতিয়াও কিছু অনিশ্চয়তা আছে, তথাপিও ভৱিষ্যতে বিশ্বৰ জনসাধাৰণৰ বাবে ই এক নতুন যুগৰ আৰম্ভণি হ’ব পাৰে।
