নগাঁও জিলাৰ ৰূপহীহাটৰ গড়াজানত চাঞ্চল্যকৰ হত্যাকাণ্ড সংঘটিত হৈছে, য’ত একে পৰিয়ালৰ ৩ জন আৰু আন এজন যুবকক হত্যা কৰা হৈছে। শুকুৰবাৰে সন্ধ্যা ৮ বজাত চোকা অস্ত্ৰৰে এই হত্যাকাণ্ড ঘটাইছে দুৰ্বৃত্তই। নিহতৰ ভিতৰত গুণধৰ সৰকাৰ (৫৮), তেওঁৰ পত্নী সুৰধ্বনি সৰকাৰ (৫০), আৰু কনিষ্ঠ কন্যা জয়স্মিতা সৰকাৰ (২৩) আছে। লগতে, ৩৫ বছৰীয়া অংশুমান সৰকাৰ নামৰ এক যুৱকৰ মৃতদেহো উদ্ধাৰ হৈছে।
এই হত্যাকাণ্ডৰ সন্দেহ প্ৰেমজনিত কাৰণত সংঘটিত হৈছে বুলি স্থানীয় ৰাইজে প্ৰকাশ কৰিছে। গুণধৰ সৰকাৰৰ জ্যেষ্ঠ কন্যা, নৱস্মিতা সৰকাৰৰ বিয়াৰ আয়োজন চলি আছিল আৰু হত্যা ঘটনাৰ সময়ত তেওঁ নগাঁৱত বিয়াৰ বজাৰ কৰি আছিল।
অথচ, বিগত দুবছৰ ধৰি মৃতদেহ উদ্ধাৰ হোৱা অংশুমান সৰকাৰে নৱস্মিতা সৰকাৰক প্ৰেমৰ প্ৰস্তাৱ দি আহিছিল, যাৰ পৰা বাৰে বাৰে পৰিয়ালত অশান্তি হৈছিল। একবছৰ পূৰ্বে নৱস্মিতাৰ পৰিয়ালে এই যুবকৰ বিৰুদ্ধে থানাত গোচৰো তৰিছিল। হত্যাকাণ্ডৰ পেছত প্ৰেমৰ প্ৰস্তাৱৰ বাবে এনে হৈছে বুলি সন্দেহ কৰা হৈছে, আৰু আৰক্ষী তদন্তত ৰহস্য উন্মোচিত হ’ব বুলি আশা কৰা হৈছে।
