১৬ বছৰৰ তলৰ কিশোৰ-কিশোৰীয়ে ছ’চিয়েল মিডিয়া ব্যৱহাৰ কৰাত নিষেধাজ্ঞা আৰোপ কৰিবলৈ ওলাইছে অষ্ট্ৰেলিয়াই। বুধবাৰে দেশৰ প্ৰতিনিধি সদনত এখন ঐতিহাসিক বিধেয়ক গৃহীত হয়। সংবাদ সংস্থাৰ সূত্ৰে এই কথা জানিব পৰা গৈছে।
অষ্ট্ৰেলিয়াৰ প্ৰধানমন্ত্ৰী এণ্টনি আলবানিজে পূৰ্বে ঘোষণা কৰিছিল যে এই আইনখন অনাৰ প্ৰস্তাৱ দাখিল কৰা হ’ব। অৱশেষত বুধবাৰৰ দিনটোতে বিধেয়কখন গৃহীত হয়। প্ৰধানমন্ত্ৰী এণ্টনি আলবানিজৰ লেবাৰ চৰকাৰে বিধেয়কখন উত্থাপন কৰাৰ পিছতে ১০২টা ভোটৰ সপক্ষে বিধেয়কখন উত্থাপন কৰা হয়। বিপক্ষে পৰে মাত্ৰ ১৩টা ভোট।
গুগল আৰু মেটাই এই বিধেয়ক উত্থাপন কৰাত বিলম্ব কৰাৰ প্ৰস্তাৱ দিছিল যদিও ছ’চিয়েল মিডিয়া নিয়ন্ত্ৰণৰ অন্যতম কঠোৰ এই আইনখনৰ প্ৰস্তাৱ কালি গৃহীত হয়। বৃহস্পতিবাৰেই এই সংসদীয় বৰ্ষৰ অন্ত পৰিব। ইয়াৰ পূৰ্বে বুধবাৰে ছিনেটত এই বিধেয়কখনৰ ওপৰত আলোচনা হয়। বয়স পৰীক্ষণ ব্যৱস্থা প্ৰৱৰ্তনৰ পৰিকল্পনা কৰিছে চৰকাৰে। যাতে আপুনি বায়’মেট্ৰিক্স বা চৰকাৰী আইডিৰ দৰে পদ্ধতি উপস্থাপন কৰিহে ছ’চিয়েল মিডিয়াত লগ ইন কৰিব পাৰে।
শেহতীয়াকৈ বহু নাবালকৰ অভিভাৱকে জনাইছিল যে বহুতে চাইবাৰ হাৰাশাস্তিৰ বাবে আত্মহত্যাৰ পথ লৈছে। ইপিনে, ছ’চিয়েল মিডিয়া নিষিদ্ধ কৰিলে যুৱক-যুৱতীসকলৰ কণ্ঠ স্তব্ধ হৈ পৰিব বুলি প্ৰতিবাদী দাবী উত্থাপন হৈছে। কিন্তু অভিভাৱকৰ উত্তৰ হ’ল অনলাইন জগতখনত সুৰক্ষিত হৈ থকাটো কিশোৰ-কিশোৰীসকলৰ বাবে ক্ৰমান্বয়ে বিপদজনক হৈ পৰিছে। আনহাতে, একাংশ কিশোৰে ইয়াৰ ফলত তেওঁলোকৰ সামাজিক আৰু পাৰিবাৰিক সম্পৰ্কৰ ক্ষতি হ’ব বুলিও দাবী কৰে।
