যুৱকজন আছিল অনলাইন গেমৰ প্ৰতি আসক্ত। যিজন পুত্ৰই কৰ্কট ৰোগত আক্ৰান্ত মাতৃৰ চিকিৎসাৰ বাবে থোৱা ২৬ হাজাৰ টকা খৰচ কৰিছিল।তাৰ পাছত লাজ আৰু ভয়ত আত্মহত্যাৰ পথ বাছি লয়। চেন্নাইৰ কোট্টুপুৰম অঞ্চলত সংঘটিত হৈছে এই ঘটনা।
শনিবাৰে পুৱা আকাশ নামৰ যুৱকজনৰ মৃতদেহ উদ্ধাৰ কৰা হয়। জনা যায় যে তেওঁ আগতে ঘৰে ঘৰে খাদ্য যোগান ধৰিছিল। আৰক্ষীয়ে চেন্নাইৰ কোট্টুপুৰমত থকা তেওঁৰ ঘৰৰ চাঁদৰ পৰা উদ্ধাৰ কৰে মৃতদেহটো।
তেতিয়া গম পোৱা যায় যে কিছুদিন আগতে ল’ৰাজনৰ দেউতাকৰ মৃত্যু হৈছিল। তেতিয়াৰ পৰাই তেওঁ চেন্নাইৰ সেই ঘৰত ককায়েক আৰু মাকৰ সৈতে থাকিছিল। আগতে তেওঁ নিজেই খাদ্য ডেলিভাৰী কৰিছিল। তেওঁৰ মাতৃ কেন্সাৰ ৰোগত আক্ৰান্ত। চিকিৎসা অব্যাহত আছে। সেই চিকিৎসাৰ বাবে উলিয়ালে ৩০ হাজাৰ টকা। কিন্তু সেই টকাখিনি তেওঁ অবাবত খৰচ কৰে।
টকা বিচাৰি নোপোৱাৰ পাছত যেতিয়া আকাশক সোধা-পোছা কৰা হয়, তেতিয়া তেওঁ কয় যে আকাশে সেই ধন অনলাইন গেমত খৰচ কৰিছে। মাকে গালি দিয়াৰ পাছত শুকুৰবাৰে সন্ধিয়া নিৰুদ্দিষ্ট হয়। যাৰ পাছত শনিবাৰে উদ্ধাৰ হয় মৃতদেহটো। উদ্ধাৰৰ পিছতে আৰক্ষীয়ে তদন্ত আৰম্ভ কৰে।
জানিব পৰা যায় যে তেওঁ Covid ৰ সময়ৰ পৰাই অনলাইন গেম খেলিবলৈ আৰম্ভ কৰিছিল। আগতে তেওঁৰ উপাৰ্জনৰ আধা অংশ এই খেলৰ বাবে খৰচ কৰিছিল।এই খেল তেঁওৰ বাবে আসক্তি হৈ পৰিল। গম পোৱাৰ পাছত ঘৰত গালি পাৰিলেও শুধৰণি নহ’ল। আৰু তাৰ ফল হৈ পৰিল ভয়ংকৰ।
কেৱল আকাশেই নহয়, তামিলনাডুৰ আকাশৰ দৰে প্ৰায় ৪৮জন লোকে যোৱা কেইবছৰমানৰ ভিতৰত অনলাইন বেটিং এপ, ঋণৰ জালিয়াতিৰ ফলত মৃত্যুমুখত পৰিছে। তামিলনাডু অনলাইন গেমিং অথৰিটিয়েও এই বিত্তীয় কেলেংকাৰীৰ বিৰুদ্ধে ব্যৱস্থা গ্ৰহণ কৰাৰ কথা ঘোষণা কৰিছে আৰু ৰাজ্যখনত এই অনলাইন কেলেংকাৰী গেমৰ প্ৰসাৰ ৰোধ কৰিবলৈ বিষয়টো চোৱাচিতা কৰিব।
