দিল্লীৰ এজন কেফেৰ মালিকক ঘৰৰ পৰা ওলমি থকা অৱস্থাত উদ্ধাৰ কৰা হৈছে। মৃতকৰ নাম পুনীত খুৰানা। ব্যৱসায়ীজনে আত্মহত্যা কৰাৰ সন্দেহ আৰক্ষীৰ। কিন্তু পৰিয়ালটোৱে দাবী কৰিছে যে তেওঁলোকৰ পুত্ৰক হত্যা কৰা হৈছে। আৰু পুনিটৰ পত্নীৰ বিৰুদ্ধে এজাহাৰ দাখিল কৰে। মঙলবাৰে সন্ধিয়া ৰাজধানীৰ কল্যাণ বিহাৰ অঞ্চলৰ ঘৰৰ পৰা উদ্ধাৰ কৰে ব্যৱসায়ীজনৰ মৃতদেহ। কিন্তু তেওঁৰ মৃত্যুৰ ৰহস্য বাঢ়িছে। আৰু এই ঘটনাই বাংগালুৰুৰ আই টি কৰ্মী অতুল সুভাষৰ স্মৃতি উদঙাই দিছে।
আৰক্ষীৰ মতে, পুনীতৰ দিল্লীত কেফে আছে। তেওঁৰ ব্যৱসায়িক সহযোগী আছিল পত্নী মণিকা জগদীশ পাহোৱা। পুনীত আৰু মণিকা বিবাহ বিচ্ছেদৰ গোচৰৰ মাজেৰে গৈ আছিল। প্ৰথম অৱস্থাত আৰক্ষীয়ে গম পালে যে ব্যৱসায়ক লৈ অতুলৰ লগত মণিকাৰ সংঘাত হৈছিল। পৰিয়ালৰ লোকে জনোৱা মতে, ব্যৱসায়িক বিষয়ক লৈ মণিকাই পুনীতক আৱেগিক হেঁচা প্ৰয়োগ কৰিছিল। টকাখিনি নিষ্পত্তি কৰিবলৈ তেওঁক হেঁচা দিয়া হৈছিল।
পৰিয়ালটোৰ অভিযোগৰ তদন্ত অব্যাহত ৰাখিছে আৰক্ষীয়ে। এজন তদন্তকাৰী বিষয়াই জনোৱা মতে, পুনীতৰ ফোন জব্দ কৰা হৈছে। পত্নীৰ লগত কি কথা-বতৰা হৈছিল, ব্যৱসায় সম্পৰ্কীয় কোনো বিষয় আছিল নেকি তদন্ত চলি আছে। আৰক্ষীয়ে মণিকাকো সোধা-পোছাৰ বাবে মাতিছে। আৰক্ষীয়ে আত্মহত্যা, হত্যা বা আত্মহত্যাৰ বাবে উচটনি দিয়াৰ সকলো দিশৰ ওপৰত চকু ৰাখিছে।
উল্লেখ্য যে, ২০১৬ চনত পুনিতৰ বিয়া হৈছিল। পৰিয়ালৰ লোকৰ মতে, বিবাহ বিচ্ছেদৰ গোচৰটোক লৈ তেওঁ অতি মানসিক চাপত আছিল। লগতে দাবী কৰা হৈছে যে মৃত্যুৰ পূৰ্বে তেওঁ পত্নীৰ সৈতে ব্যৱসায়িক বিষয় সন্দৰ্ভত ফোনযোগে কথা পাতিছিল। অভিযোগ কৰা হৈছে যে মণিকাই হেঁচা সৃষ্টি কৰিছিল যে তেওঁ পৃথক হৈ থাকিলেও কোনো ধৰণে তেওঁক অংশীদাৰিত্বৰ পৰা আঁতৰাই পেলাব নোৱাৰিলে।
