শিৱসেনাৰ মুখপত্ৰত তীব্ৰ সমালোচনা মোদী-শ্বহক। ‘সামানা’ত প্ৰকাশিত ইস্তাহাৰত উদ্ধৱ থাকৰে দাবী কৰিছে যে ‘মোডী-শ্বহৰাজৰ এদিন অন্ত হ’ব, কিন্তু তেতিয়ালৈকে দেশ বিভাজিত হ’ব।
ইস্তাহাৰখনত স্পষ্টকৈ উল্লেখ কৰিছে যে, আজি দেশত সাম্প্ৰদায়িক আৰু ধৰ্মীয় হিংসা বহু পৰিমাণে বৃদ্ধি পাইছে। এই বিভাজন আগতেও আছিল। কিন্তু আজি ইয়াত জিন্নাৰ ভূমিকা পালন কৰি আছে একাংশ হিন্দু নেতাই। যিটো দেশৰ বাবে অতি বিপজ্জনক।
অতীতৰ ইতিহাসৰ ওপৰত আলোকপাত কৰি উল্লেখ কৰিছে যে সাৱৰকাৰে দেশত দুখন ৰাজ্যৰ নীতি প্ৰৱৰ্তন কৰিছিল। তেওঁ মুছলমানসকলৰ বাবে এখন ন্যায্য দেশৰ দাবী জনাইছিল। ধৰ্মৰ আধাৰত নিৰ্মিত দেশবোৰ যে ছিন্নভিন্ন হৈ পৰিছে তাৰ সাক্ষী ইতিহাস। মোদীৰ যুগে পুনৰবাৰ দেশখনক ধ্বংসৰ দিশে আগুৱাই লৈ গৈছে। এতিয়া ভাৰত হিন্দু পাকিস্তানৰ বাটত বুলি ইস্তাহাৰত উল্লেখ কৰিছে।
বিজেপিয়ে স্পষ্ট কৰি দিবলৈ চেষ্টা কৰিছে যে আমি মুছলমানৰ লগত থিয় নহওঁ। সংঘই অৱশ্যে এই দেশৰ সকলো মুছলমানৰ ডি এন এ একে বুলি উল্লেখ কৰে। মহাৰাষ্ট্ৰত মুছলমানসকলৰ বাবে সুকীয়াকৈ দোকানৰ কথা ঘোষণা কৰিছে। বিজেপিয়ে মুছলমান সমাজৰ প্ৰতি হিন্দুসকলৰ মাজত ঘৃণাৰ বীজ সিঁচিছে। তেওঁলোকে ঔৰংজেবৰ কবৰ উভালি পেলাব বিচাৰিছে। কিন্তু বাস্তৱত যিসকলে এইটো বিচাৰে তেওঁলোক ঔৰংজেবতকৈও বেছি বিপদজনক বুলিও উল্লেখ কৰিছে ইস্তাহাৰত।
বিজেপিৰ ইটোৰ পিছত সিটো কৰ্ম কাণ্ডই স্পষ্ট কৰি দিছে যে তেওঁলোকে কি বিচাৰে। বিজেপিয়ে প্ৰকৃততে যি বিচাৰে সেয়া দেশৰ বাবে অত্যন্ত বিপজ্জনক বুলি দাবী কৰিছে ইস্তাহাৰখনত।
