২০২৬ৰ পূৰ্বে বিজেপিৰ তসলিমা প্ৰীতি! শেহতীয়া কৈ বিজেপিৰ সাংসদ শমীক ভট্টাচাৰ্য ৰাজ্যসভাত তসলিমা নাচৰিনক কলকাতালৈ উভতাই আনাৰ দাবী উত্থাপন কৰি এক নতুন ৰাজনৈতিক বিতৰ্ক সৃষ্টি কৰিছে।
দেশৰ সংস্কৃতি চর্চাৰ কেন্দ্ৰ কলকাতাৰ পৰা এসময়ত ‘বিতাড়িত’ হোৱা সাহিত্যিক তসলিমা নাচৰিনক কলকাতালৈ প্রত্যাবর্তনৰ চেষ্টা গেৰুৱা শিবিৰৰ। ৰাজ্যসভাত তসলিমাৰ পক্ষে সুৰ সলালে বিজেপিয়ে।
সোমবাৰে এই সন্দৰ্ভত বিজেপি সাংসদগৰাকীয়ে কয় বাঙলা ভাষাৰ ক্ষেত্ৰত তসলিমাৰ নাচৰিনক অৱদানৰ কথা উল্লেখ কৰি দাবী কৰে যে তসলিমাৰ বাবে কলকাতা হৈছে প্ৰাণৰ পশ্চিমবঙ্গ। ৰাজ্যসভাতএই বিষয়টো উল্লেখ কৰি বামপন্থী-প্ৰগতিশীলসকলকো আক্রমণৰ লক্ষ্য কৰি লয় কৰি লয় শমীক ভট্টাচাৰ্যই।
সাংসদ গৰাকীয়ে ছদ্ম প্ৰগতিশীলতাৰ মুছলিম মৌলবাদৰ পৰা চূড়ান্ত আত্মসমৰ্পণ কৰাৰ দিন শেষ হ’ব আৰু তসলিমা নাচৰিনৰ প্রত্যাবর্তন হ’ব বুলি উল্লেখ কৰি পুনৰ বাংলাৰ মহিলাৰ আন্দোলনৰ নতুন সূৰ্যোদয় হ’ব বুলিও দাবী কৰে।
শমীক ভট্টাচাৰ্যৰ এই বক্তব্যই ৰাজনৈতিক মহলত তীব্ৰ প্ৰতিক্ৰিয়াৰ সৃষ্টি কৰিছে। ২০২৬ চনৰ বিধানসভা নিৰ্বাচনৰ আগতে বিজেপিয়ে তসলিমা নাচৰিনক নিজৰ ৰাজনৈতিক কৌশলৰ অংশ হিচাপে লৈছে নেকি ?
প্ৰশ্ন হয় যে বিধানসভাৰ ভোটৰ আগতে বিজেপিয়ে নতুন অস্ত্ৰ হিচাপে তসলিমাক ব্যৱহাৰ কৰিব বিচাৰিছে নেকি? তসলিমা নাচৰিনে দীঘলীয়া সময় ধৰি ভাৰতত বাস কৰিলেও, কলকাতাত তেওঁৰ স্থান পোৱা নাছিল। এতিয়া বিজেপিৰ দাবী বাস্তৱলৈ পৰিণত হ’ব নে নিৰ্বাচনী ৰাজনীতিৰ অংশ হৈ থাকিব, সেয়া সময়ে নিৰ্ধাৰণ কৰিব।
