ভাৰতৰ পৰা গ্ৰীষ্মকালত কোনো দেশ ফুৰিবলৈ যোৱাতো তুলনাত্মকভাবে শীতকালতকৈ কম খৰচী আৰু এক উত্তম সুযোগ। সেয়ে আজি আপোনালোকৰ বাবে লৈ আহিছোঁ কম খৰচতে গ্ৰীষ্মকালত সহজে ভ্ৰমণ কৰিব পৰা কেইখনমান দেশৰ ভ্ৰমণৰ বিষয়ে কিছু গুৰুত্বপূৰ্ণ তথ্য।
সুলভ বিমান ভাড়া, দৈনিক খৰচ কম, আৰু ভাৰতীয় ভ্ৰমণকাৰীৰ বাবে অনুকূল ভিছা নীতিৰ ওপৰত ভিত্তি কৰি গ্ৰীষ্মকালত ভাৰতৰ পৰা ভ্ৰমণৰ বাবে কিছুমান সস্তীয়া দেশৰ তালিকা ইয়াত দিয়া হ’ল।
১ . নেপাল
নেপাল ভাৰতৰ এখন চুবুৰীয়া দেশ। নেপাললৈ যাবলৈ ভাৰতীয় নাগৰিকক ভিছাৰ প্ৰয়োজন নাই। বৈধ চৰকাৰী পৰিচয়পত্ৰই যথেষ্ট। যাৰ ফলত নেপাল ভ্ৰমণৰ খৰচ কম হ’ব। বিমানেৰেই হওক বা স্থলপথেৰেই ভাৰতৰ পৰা নেপাললৈ যাতায়তৰ খৰচো কম। আনহাতে, নেপালত জীৱনযাপনৰ খৰচ নগণ্য। গুৱাহাটী পৰা কাঠমাণ্ডুলৈ বিমান ভাড়া ১২,০০০–১৭,০০০ টকা। গ্ৰীষ্মকালত নেপালত কিছু বৰষুণ হ’লেও, হিমালয়ৰ সেউজীয়া প্ৰকৃতি, ট্ৰেকিংৰ সুযোগ, আৰু কাঠমাণ্ডু, পোখৰাৰ দৰে সাংস্কৃতিক আৰু আধ্যাত্মিক স্থান ভ্ৰমণ কৰি আনন্দ আৰু অভিজ্ঞতা অৰ্জন কৰিব পাৰে।
২. শ্ৰীলংকা
দক্ষিণ ভাৰতৰ পৰা শ্ৰীলংকালৈ বিমান যাত্ৰা তেনেই সস্তা। চেন্নাইৰ পৰা শ্ৰীলংকালৈ ১০,০০০-১২,০০০ টকাৰ ভিতৰত বিমান সেৱা লাভ কৰিব পাৰে। লগতে শ্ৰীলংকাত জীৱনযাপনৰ খৰচো কম। নেপালত দক্ষিণপশ্চিম মৌচুমী বৰষুণ গ্ৰীষ্মত আহে, ই আপোনাৰ ভ্ৰমণক ৰমণীয় কৰি তুলিব পাৰে। লগতে শ্ৰীলংকাৰ সাগৰৰ পাৰত সময় কটাব পাৰে। লগতে, শ্ৰীলংকাত বিভিন্ন পৌৰাণিক স্থান যেনে চিগিৰিয়া, অনুৰাধাপুৰালৈ যাব পাৰে।
৩. থাইলেণ্ড
ভাৰতীয়ৰ বাবে ভিছামুক্ত প্ৰৱেশৰ অনুমতি থকা আন এখন চুবুৰীয়া দেশ হ’ল থাইলেণ্ড। থাইলেণ্ডত খাদ্য আৰু থকাৰ খৰচ ভাৰততকৈও কম। লগতে, গুৱাহাটীৰ পৰা ১২,০০০ ৰ পৰা ১৮,০০০ টকাত থাইলেণ্ডলৈ বিমান সেৱা লাভ কৰিব পাৰি। থাইলেণ্ডৰ বেংকক, চিয়াং মাই, আৰু উত্তৰৰ পাহাৰীয়া অঞ্চল সদায় উপভোগ্য হৈ থাকে। থাইলেণ্ডৰ সংস্কৃতি, ৰাস্তাৰ খাদ্য, আৰু সস্তীয়া বস্তুৰ বাবে ই পৰ্যটকৰ বাবে অতি আকৰ্ষণীয় স্থান।
৪. ভিয়েটনাম
সুলভ বিমান ভাড়া আৰু জীৱনযাপনৰ খৰচ কম হোৱাৰ বাবে উন্নয়নশীল দেশৰ নাগৰিকে দক্ষিণ-পূৱ এছিয়াৰ দেশ ভিয়েটনামলৈ যাবলৈ পচন্দ কৰে। লগতে ইয়ালৈ যাবলৈ ভিছাও সহজতে পোৱা যায়। ভিয়েটমানৰ ভিছাৰ বাবে মাত্ৰ ২,২০০ টকা খৰচ হয়। ভিয়েটনামৰ উত্তৰৰ অঞ্চল যেনে হানয় আৰু মধ্য অঞ্চল হয় আন আৰু ডা নাং পৰ্যটকৰ মূল আকৰ্ষণ। উল্লেখ্য যে দিল্লীৰ পৰা ভিয়েটনামৰ মুখ্য চহৰ হানয়লৈ বিমান ভাড়া ২৫,০০০–৩০,০০০ টকা।
৫. ইণ্ডোনেছিয়া
ভাৰতৰ ৰাজধানী চহৰ দিল্লীৰ পৰা সুলভ বিমান, সস্তীয়া থকা-খোৱাৰ ব্যৱস্থা, আৰু বিনামূলীয়া ভিছাই ভাৰতীয় নাগৰিকক ইণ্ডোনেচীয়াই আকৰ্ষিত কৰে। সাগৰপাৰ, মন্দিৰ, আৰু এডভেন্সাৰ কাৰ্যকলাপৰ বাবে ইণ্ডোনেচীয়া জনপ্ৰিয়। দিল্লীৰ পৰা ইণ্ডোনেচীয়াৰ মুখ্য চহৰ জাকাৰ্তালৈ বিমান ভাড়া ৪০,০০০–৫০,০০০ টকা।
৬. কম্বোডিয়া
সুলভ বিমান ভাড়া আৰু ভিছা অন আৰাইভেল ফলত কম্বোডিয়া ভ্ৰমণৰ খৰচ কম। খাদ্য আৰু থকাৰ দৈনিক খৰচো নগণ্য। দিল্লীৰ পৰা ফনম পেনলৈ বিমান ভাড়া ৪১,৫০০–৪৮,৫০০ টকা।
৭. মালয়েছিয়া
ভাৰতীয়ৰ বাবে ভিছামুক্ত প্ৰৱেশ আৰু সুলভ বিমান ভাড়াৰ বাবে মধ্যবিত্তীয় ভাৰতীয়ৰ মূল আকৰ্ষণ মালয়েছিয়া। ইয়াৰ প্ৰাকৃতিক পৰিৱেশ গোটেই বছৰ আকৰ্ষণীয় হৈ থাকে। উল্লেখ্য যে দিল্লীৰ পৰা কুৱালালামপুৰলৈ বিমান ভাড়া ২০,০০০–৩০,০০০ টকা।
৮ . ফিলিপাইনছ
সুলভ বিমান ভাড়া আৰু কম খৰচীয়া এখন দেশ হৈছে ফিলিপাইনছ। ইয়ালৈ যাবলৈ ভিছাৰ খৰচ খুব কম আৰু ভিছা সহজে উপলব্ধ হয়। দিল্লীৰ পৰা ফিলিপাইনছৰ মুখ্য চহৰ মানিলালৈ বিমান ভাড়া ২৪,০০০–৩০,০০০ টকা।
গ্ৰীষ্মকালীন ভ্ৰমণৰ বাবে কেইটামান টিপছ –
ক) বিমান আৰু থকাৰ ব্যৱস্থা আগতীয়াকৈ বুক কৰিলে সস্তা হয়।
খ) মে’ৰ শেষ বা ছেপ্টেম্বৰৰ আৰম্ভণিত ভাল পৰিৱেশ আৰু কম মূল্যত থকা খোৱা পোৱা যায়।
গ) এই দেশসমূহত বাছ, ৰেল, বা মটৰবাইক ভাড়া ব্যৱহাৰ কৰি কম খৰচত ফুৰিব পাৰি।
লগতে পঢ়কঃ মধ্যবিত্তৰ বাবে ভাল খবৰ! হোৰাহোৰে কমিব পাৰে সোণৰ দাম, জানো আহক
