মুখ্যমন্ত্ৰী হিমন্ত বিশ্ব শৰ্মাই লোকসভাত ৱাকফ সংশোধনী বিধেয়কৰ বিতৰ্কৰ কংগ্ৰেছৰ সাংসদ গৌৰৱ গগৈয়ে সংসদত প্ৰদান কৰা ভাষণটো লজ্জাজনক বুলি অভিহিত কৰে।
শুকুৰবাৰে এখন সংবাদমেলত মুখ্যমন্ত্রীয়ে পৰোক্ষভাৱে গগৈৰ ভাষণৰ উল্লেখ কৰি কয় যে গৌৰৱ গগৈয়ে মুছলমান সমাজক ৰাজপথত নামজ আগবঢ়াবলৈ অনুমতি দিয়াৰ দাবী জনাইছে। অসমৰ মুছলমান মানুহে কেতিয়াও ৰাজপথত নামাজ পঢ়িবলৈ বিচৰা নাই। গৌৰৱ গগৈয়ে ভাষণটো প্ৰদান কৰাৰ পিছত মোলৈ অসংখ্য ফোন আহিছে। মই লজ্জিত অনুভৱ কৰিছোঁ।
সংসদত আৱৰ্জনাৰ দৰে কথা কোৱা সাংসদজনৰ হৈ মই দেশৰ জনসাধাৰণৰ ওচৰত ক্ষমা বিচাৰিছো বুলি উল্লেখ কৰে শৰ্মাই। লগতে কয় যে মোৰ বাবে এইটো লজ্জাজনক কথা। বিশ্বৰ বিভিন্ন প্ৰান্তৰ পৰা মানুহে ফোন কৰি সুধিছে যে সংসদত আমাক কেনেধৰণৰ লোকে প্ৰতিনিধিত্ব কৰিছে!”
শৰ্মাই লগতে কয়, “অসমত মুছলমানে কেতিয়াও ৰাজপথত নামজ পঢ়াৰ অধিকাৰৰ দাবী কৰা নাই। আমাৰ ভাল ভাল মছজিদ আৰু ঈদগাহ আছে য’ত শান্তিপূৰ্ণভাৱে, কোনো অসুবিধা নোহোৱাকৈ নামাজ আদায় কৰা হয়।”
মুখ্যমন্ত্ৰীয়ে লগতে কয়, “আমি কেতিয়াও কল্পনা কৰিব পৰা নাছিলো যে নিজকে লাচিত বৰফুকনৰ বংশধৰ বুলি কোৱা কোনোবাই সংসদত এনে কথা ক’ব পাৰে।”
