গণৰাজ্য দিৱস, ২০২৬ উপলক্ষে ঘোষণা হ’বলগীয়া পদ্ম বঁটা-২০২৬ৰ মনোনয়ন আৰু পৰামৰ্শ গ্ৰহণৰ সময়সীমা ৩১ জুলাই, ২০২৫লৈ বৃদ্ধি কৰা হৈছে। ৰাষ্ট্ৰীয় পুৰস্কাৰ পৰ্টেল (https://awards.gov.in)ত অনলাইনযোগেহে পদ্ম বঁটাৰ বাবে মনোনয়ন গ্ৰহণ কৰা হ’ব।
পদ্ম বঁটা অৰ্থাৎ পদ্ম বিভূষণ, পদ্ম ভূষণ আৰু পদ্মশ্ৰী দেশৰ সৰ্বোচ্চ অসামৰিক বঁটাৰ ভিতৰত অন্যতম। ১৯৫৪ চনত প্ৰতিষ্ঠা হোৱা এই বঁটাসমূহ প্ৰতি বছৰে গণৰাজ্য দিৱস উপলক্ষে ঘোষণা কৰা হয়। এই বঁটাই কলা, সাহিত্য আৰু শিক্ষা, ক্ৰীড়া, চিকিৎসা, সমাজ কৰ্ম, বিজ্ঞান আৰু অভিযান্ত্ৰিক, জনসংযোগ, অসামৰিক সেৱা, বাণিজ্য আৰু উদ্যোগ ইত্যাদি ক্ষেত্ৰ/শাখাতে বিশিষ্ট আৰু ব্যতিক্ৰমী কৃতিত্ব/সেৱাৰ ‘বিশিষ্ট কাম’ক স্বীকৃতি প্ৰদান কৰে। চিকিৎসক আৰু বিজ্ঞানীৰ বাহিৰে ৰাজহুৱা খণ্ডৰ প্ৰতিষ্ঠানত কাম কৰা সকলো চৰকাৰী চাকৰিয়াল পদ্ম বঁটাৰ বাবে যোগ্য নহয়।
মনোনয়ন আৰু পৰামৰ্শসমূহত ওপৰৰ উক্ত পৰ্টেলত উপলব্ধ আৰ্হিত সকলো প্ৰাসংগিক বিৱৰণ উল্লেখ কৰিব লাগে। মনোনীত ব্যক্তিজনৰ সন্দৰ্ভত সবিশেষ বিৱৰণ থাকিব লাগে, য’ত তেওঁৰ নিজ নিজ ক্ষেত্ৰৰ বিষয়ে উল্লেখ কৰা হয়।
এই সন্দৰ্ভত গৃহ পৰিক্ৰমা মন্ত্ৰালয়ৰ ৱেবছাইট (https://mha.gov.in) আৰু পদ্ম বঁটা পৰ্টেল (https://padmaawards.gov.in)ত ‘বঁটা আৰু পদক’ শিৰোনামত ক্লিক কৰি সবিশেষ তথ্য লাভ কৰিব পাৰি।
