প্ৰেমৰ সম্পৰ্ক সঘনাই ভাঙি গৈ আছে। আৰু এই সকলোবোৰ সম্পৰ্ক বিচ্ছেদৰ কাৰণ হৈছে অপৰাধমূলক আইনৰ অপব্যৱহাৰ বৃদ্ধি । এটা গোচৰত এলাহাবাদ উচ্চ ন্যায়ালয়ৰ এই পৰ্যবেক্ষণ কৰিছে। ন্যায়াধীশ কৃষণ পাহালে ধৰ্ষণৰ গোচৰত ৪২ বছৰীয়া এজন যুৱকক জামিন মঞ্জুৰ কৰাৰ সময়তে এই মন্তব্য কৰে।
আদালতে কয় যে বিশেষকৈ ঘনিষ্ঠ সম্পৰ্ক বিফল হোৱাৰ পাছত ব্যক্তিগত বিবাদ আৰু আৱেগিক সংঘাতক অপৰাধমূলক আইনৰ জৰিয়তে অপৰাধমূলক বুলি গণ্য কৰা হৈছে। জানিব পৰা মতে, এগৰাকী ২৫ বছৰীয়া মহিলাই এজন ৪২ বছৰীয়া বিবাহিত পুৰুষক ধৰ্ষণৰ অভিযোগ উত্থাপন কৰিছিল। তেওঁ আৰু দাবী কৰে যে মানুহজনে ধৰ্ষণৰ ভিডিঅ’ ৰেকৰ্ডিং কৰি তেওঁক ব্লেকমেইল কৰিছিল। ইয়াৰ লগতে অভিযোগ কৰে যে অভিযুক্তই বিয়া হোৱাৰ প্ৰতিশ্ৰুতি দিও অৱশেষত মহিলাগৰাকীৰ পৰা আঁতৰি আহিছিল।
গোচৰটোৰ শুনানিত ভুক্তভোগীয়ে দাবী কৰে যে, তেওঁৰ বিভিন্ন সময়ত বহু মহিলাৰ সৈতে প্ৰেমৰ সম্পৰ্ক আছিল। তিনিবাৰ বিয়াও পাতিলে। মহিলাগৰাকীয়ে লগতে অভিযোগ কৰে যে অভিযুক্তই নিজকে ধনী মানুহ বুলি দাবী কৰি প্ৰলোভিত কৰিছিল।
ইফালে, অভিযুক্তৰ অধিবক্তাই দাবী কৰিছে যে বিবাহিত বুলি জানিও ভুক্তভোগীৰ সৈতে প্ৰেমৰ সম্পৰ্ক আছিল। আৰু তেওঁ তিনিবাৰ বিয়া হোৱাৰ কাহিনীটো ‘মিছা’ বুলিও দাবী কৰিছিল। পাছত ন্যায়াধীশগৰাকীয়ে কয়, “সামাজিক বা নৈতিক প্ৰশ্ন উত্থাপন কৰা সকলো কাৰ্য্যই আইনী হস্তক্ষেপৰ প্ৰয়োজন নাই। ইয়াৰ দ্বাৰা ন্যায়বিজ্ঞানৰ এটা মৌলিক নীতিও প্ৰতিফলিত হয় – নৈতিকতাৰ সকলো দিশতে এই আইন প্ৰযোজ্য নহয়।” আদালতে এইটোও লক্ষ্য কৰিলে যে এই সম্পৰ্ক পাৰস্পৰিক সন্মতিৰে গঢ় লৈ উঠিছিল আৰু মহিলাগৰাকীয়ে মানুহজনৰ বিয়াৰ কথা গম পাইছিল।
