হায়দৰাবাদৰ ২০ বছৰীয়া পৰ্বতাৰোহী ভুক্য যশৱন্তই ২৯৯৪ মিটাৰ উচ্চতাত অৱস্থিত মণিপুৰৰ সৰ্বোচ্চ শৃংগ মাউণ্ট আইছ’ আৰোহণ কৰি এক উল্লেখযোগ্য কৃতিত্ব অৰ্জন কৰিছে। এই আৰোহণ ভাৰতৰ প্ৰতিখন ৰাজ্যৰ সৰ্বোচ্চ শৃংগত ভাৰতীয় জাতীয় পতাকা উত্তোলন কৰা লক্ষ্যৰে আৰম্ভ কৰা তেওঁৰ অভিলাষী অভিযান ‘হৰ শিখৰ পাৰ তিৰংগা’ৰ অংশ স্বৰূপে। যশৱন্তই কৰ্ণেল সন্দীপ শৰ্মা আৰু লেফটেনেণ্ট কৰ্ণেল সিদ্ধাৰ্থকে ধৰি অসম ৰাইফলছৰ সাহসী জোৱানৰ সৈতে গৌৰৱেৰে শিখৰত ত্ৰিৰংগা আৰু ৰাজ্যপালৰ ফটো উত্তোলন কৰে। তেওঁৰ এই যাত্ৰাই ভাৰতীয় যুৱক-যুৱতীসকলক দুঃসাহসিক কৰ্মক আকোৱালি ল’বলৈ আৰু নিজৰ দেশক সন্মান কৰিবলৈ অনুপ্ৰাণিত কৰিছে।
যশৱন্তৰ অভিযানৰ কেন্দ্ৰবিন্দু উত্তৰ-পূব ভাৰতৰ সাতভনী ৰাজ্যৰ সৰ্বোচ্চ শৃংগ জয় কৰা। মাউণ্ট আইছ’ৰ আগতে তেওঁ অৰুণাচল প্ৰদেশৰ সৰ্বোচ্চ শৃংগ মাউণ্ট গোৰিচেন আৰু ত্ৰিপুৰাৰ সৰ্বোচ্চ শৃংগ থাইদাৱাৰৰ বেটালংচিপত সফলতাৰে আৰোহণ কৰিছিল। তেওঁৰ পৰ্বতাৰোহণৰ কৃতিত্ব ভাৰতৰ ভিতৰতে সিমাবদ্ধ নহয়, তেওঁ মাউণ্ট কিলিমাঞ্জাৰো (আফ্ৰিকাৰ সৰ্বোচ্চ শৃংগ), মাউণ্ট এলব্ৰাছ (ইউৰোপৰ সৰ্বোচ্চ শৃংগ) আৰু মাউণ্ট কচচিউস্কো (অষ্ট্ৰেলিয়াৰ সৰ্বোচ্চ শৃংগ) আদি আন্তঃৰাষ্ট্ৰীয় শৃংগ আৰোহণ কৰিছে। ইয়াৰ উপৰিও হিমাচল প্ৰদেশৰ মাউণ্ট ইউনাম, লাডাখৰ মাউণ্ট কাং য়াচে দ্বিতীয় আৰোহণ কৰি নেপালৰ এভাৰেষ্ট বেছ কেম্পত উপস্থিত হৈ নিজৰ নিষ্ঠা আৰু দক্ষতা প্ৰদৰ্শন কৰিছে।
পৰ্বতাৰোহণৰ সাফল্যৰ বাহিৰেও যশৱন্তই যুৱক-যুৱতীসকলৰ বাবে এটা শক্তিশালী বাৰ্তা লৈ আহিছে: “ড্ৰাগছক না কওক আৰু জীৱনক হয় বুলি কওক।” তেওঁৰ মিছন কেৱল ব্যক্তিগত জয় নহয়, আনক ডাঙৰ সপোন দেখিবলৈ আৰু সুস্থ, জীৱনৰ প্ৰতি দায়বদ্ধ হ’বলৈ অনুপ্ৰাণিত কৰিছে।
ভাৰতৰ বৈচিত্ৰময় ভূ-প্ৰকৃতিক উদযাপন কৰি আৰু তেওঁৰ আৰোহণৰ জৰিয়তে ঐক্য প্ৰসাৰিত কৰি যশৱন্তই যুৱক-যুৱতীসকলক বহিঃজগতখন অন্বেষণ কৰিবলৈ উত্তৰ-পূবৰ অধিক শৃংগ জয় কৰাৰ পৰিকল্পনাৰে তেওঁৰ এই যাত্ৰাই সমগ্ৰ দেশৰ দুঃসাহসিক অভিযানৰ অনুৰাগীসকলক অনুপ্ৰাণিত কৰিছে।
