ৰে’ল যাত্ৰীৰ বৰ্ধিত চাহিদা পূৰণ কৰাৰ অৰ্থে উত্তৰ পূব সীমান্ত ৰে’লৱেই তিনিযোৰ বিশেষ ৰে’ল সেৱাৰ চলাচলৰ সময়সূচী সম্প্ৰসাৰণ কৰাৰ সিদ্ধান্ত গ্ৰহণ কৰিছে। এই ৰে’লসমূহৰ ভিতৰত আছে-ৰে’ল নং০৯৬২৩/০৯৬২৪ (উদয়পুৰচিটি-ফৰবেচগঞ্জ-উদয়পুৰ চিটি), ৰে’ল নং ০১৪০৫/০১৪০৬ (কোলহাপুৰ-কাটিহাৰ-কোলহাপুৰ) আৰু ৰে’ল নং০৯১৮৯/০৯১৯০ (মুম্বাই চেণ্ট্ৰেল-কাটিহাৰ-মুম্বাই চেণ্ট্ৰেল)।
ইয়াৰ লগতে, উত্তৰ পূব সীমান্ত ৰে’লৱেই পৰিচালন দক্ষতা উন্নত কৰাৰ বাবে কিছুসংখ্যক ৰে’লৰ গতিবেগ বৃদ্ধি কৰাৰ লগতে সময়সূচীৰ সংশোধন কৰিছে।
১১ মে, ২০২৫ তাৰিখৰ পৰা কাৰ্যকৰী হোৱাকৈ ৰে’ল নং. ১৫৪১৭/১৫৪১৮ (আলিপুৰদুৱাৰ জংচন-শিলঘাটটাউন-আলিপুৰদুৱাৰ জংচন) ৰাজ্যৰাণী এক্সপ্ৰেছ আৰু ৰে’ল নং ৫৫৪৬৫ (আলিপুৰদুৱাৰ জংচন-বামনহাট) পেছেঞ্জাৰ ৰে’লখনৰ সময়সূচীৰ সংশোধন কৰা হৈছে। এই সংশোধনসমূহে গতিবেগ বৃদ্ধি, ভ্ৰমণৰ সময়সীমা হ্ৰাস আৰু যাত্ৰীৰ সুবিধা বৃদ্ধি কৰিব বুলি আশা কৰা হৈছে।
সেই অনুসৰি, ০৬মে, ২০২৫ তাৰিখৰ পৰা কাৰ্যকৰী হোৱাকৈ ৰে’ল নং. ০৯৬২৩ (উদয়পুৰ চিটি- ফৰবেচগঞ্জ) অতিৰিক্ত চাৰিটা ট্ৰিপৰ বাবে প্ৰতি মঙলবাৰে সম্প্ৰসাৰিত সেৱাৰ সৈতে চলাচল কৰিব আৰু ০৮ মে, ২০২৫ তাৰিখৰ পৰা কাৰ্যকৰী হোৱাকৈ ৰে’ল নং. ০৯৬২৪ (ফৰবেচগঞ্জ- উদয়পুৰ চিটি) ৰে’লখন অতিৰিক্ত চাৰিটা ট্ৰিপৰ বাবে প্ৰতি বৃহস্পতিবাৰে সম্প্ৰসাৰিত সেৱাৰ সৈতে চলাচল কৰিব।
৪ মে, ২০২৫তাৰিখৰ পৰা কাৰ্যকৰী হোৱাকৈ ৰে’ল নং০১৪০৫ (কোলহাপুৰ-কাটিহাৰ) ৰে’লখন প্ৰতি দেওবাৰে অতিৰিক্ত চাৰিটা ট্ৰিপৰ বাবে সম্প্ৰসাৰিত সেৱাৰ সৈতে চলাচল কৰিব আৰু ০৬মে, ২০২৫ তাৰিখৰ পৰা কাৰ্যকৰী হোৱাকৈ ৰে’ল নং. ০১৪০৬ (কাটিহাৰ-কোলহাপুৰ) ৰে’লখন প্ৰতি মঙলবাৰে অতিৰিক্ত চাৰিটা ট্ৰিপৰ বাবে সম্প্ৰসাৰিত সেৱাৰ সৈতে চলাচল কৰিব।
০৩ মে, ২০২৫ তাৰিখৰ পৰা কাৰ্যকৰী হোৱাকৈ ৰে’ল নং. ০৯১৮৯ (মুম্বাই চেণ্ট্ৰেল-কাটিহাৰ)প্ৰতি শনিবাৰে অতিৰিক্ত পাঁচটা ট্ৰিপৰ বাবে সম্প্ৰসাৰিত সেৱাৰ সৈতে চলাচল কৰিব আৰু ০৬মে, ২০২৫ তাৰিখৰ পৰা কাৰ্যকৰী হোৱাকৈ ৰে’ল নং. ০৯১৯০ (কাটিহাৰ-মুম্বাই চেণ্ট্ৰেল) প্ৰতি মঙলবাৰে অতিৰিক্ত পাঁচটা ট্ৰিপৰ বাবে সম্প্ৰসাৰিত সেৱাৰ সৈতে চলাচল কৰিব। এই ৰে’লসমূহ বিদ্যমান সময়সূচী, পথ, ডবাৰ গঠন, ষ্টপেজ আৰু চলাচলৰ দিনৰ সৈতে চলিব।
তদুপৰি, পৰ্যটক সমাগমৰ ভৰ বতৰত সহায়ক হোৱাকৈ দাৰ্জিলিং হিমালয়ান ৰে’লৱে (ডিএইচআৰ)ত পাঁচটা বিশেষ ডিজেল জয়ৰাইডৰ সেৱা সম্প্ৰসাৰিত কৰা হৈছে, য’ত ৰে’ল নং. ০২৫৪৬ (দাৰ্জিলিং-ঘুম-দাৰ্জিলিং) ৰে’লখনৰ সেৱা ১৫ জুলাই, ২০২৫ পৰ্যন্ত সম্প্ৰসাৰিত কৰা হৈছে, যি সেৱা ০১ মে, ২০২৫ তাৰিখে আৰম্ভ কৰা হৈছিল। তদুপৰি, ০২৫৪৭, ০২৫৪৮, ০২৫৪৯ আৰু ০২৫৫০ (দাৰ্জিলিং-ঘুম-দাৰ্জিলিং) বিশেষ ডিজেল জয়ৰাইডৰ সেৱা ১ জুলাই ২০২৫ তাৰিখৰ পৰা কাৰ্যকৰী হোৱাকৈ ১৫ জুলাই, ২০২৫ লৈকে বাহাল থাকিব।
সংশোধিত সময়সূচীৰ সৈতে, ১১-০৫-২০২৫ তাৰিখৰ কাৰ্যকৰী হোৱাকৈ ৰে’ল নং ১৫৪১৭ (আলিপুৰদুৱাৰ জংচন -শিলঘাট টাউন) ৰাজ্যৰাণী এক্সপ্ৰেছ আলিপুৰদুৱাৰ জংচনৰ পৰা ১৮:৪৫ বজাত প্ৰস্থান কৰি শিলঘাট টাউনত গৈ পিছদিনা ০৮.৫৫ বজাত উপস্থিত হ’ব।
উভতনি যাত্ৰাৰ দিশত, ১২-০৫-২০২৫ তাৰিখৰ পৰা কাৰ্যকৰী হোৱাকৈ ৰে’ল নং ১৫৪১৮ (শিলঘাট টাউন-আলিপুৰদুৱাৰ জংচন) ৰাজ্যৰাণী এক্সপ্ৰেছ শিলঘাট টাউনৰ পৰা ১৮:০০ বজাত প্ৰস্থান কৰি পিছদিনা ০৭.৩৫ বজাত আলিপুৰদুৱাৰ জংচনত গৈ উপস্থিত হব।
আনহাতে, ১১ মে, ২০২৫ তাৰিখৰ পৰা কাৰ্যকৰী হোৱাকৈ সংশোধিত সময়সূচীৰ সৈতে ৰে’ল নং ৫৫৪৬৫ (আলিপুৰদুৱাৰ জংচন-বামনহাট) পেছেঞ্জাৰ ০৬:১০ বজাত আলিপুৰদুৱাৰ জংচনৰ পৰা প্ৰস্থান কৰি একে দিনাই ০৮:৩৫বজাত বামনহাটত গৈ উপস্থিত হব।
এই ৰে’লসমূহৰ পথ, ষ্টপেজ আৰু সময়সূচীৰ বিস্তৃত বিৱৰণ আইআৰচিটিচি ৱেবছাইটত থকাৰ লগতে উত্তৰ পূব সীমান্ত ৰে’লৱেৰ ছ’চিয়েল মিডিয়া প্লেটফৰ্মত উপলব্ধ আছে। যাত্ৰীসকলক তেওঁলোকৰ যাত্ৰা আৰম্ভ কৰাৰ পূৰ্বে উক্ত বিস্তৃত বিৱৰণ অৱলোকন কৰিবলৈ অনুৰোধ কৰা হৈছে।
