ভাৰতৰ ‘অপাৰেচন সিন্দূৰৰ পিছত সকলো দেশৰ বাবে আকাশমাৰ্গ ৪৮ ঘণ্টাৰ বাবে বন্ধ কৰিছে পাকিস্তানে। ভাৰতীয় বায়ুসেনাই ৭ মে’ৰ নিশা পাকিস্তান আৰু পাক অধিকৃত কাশ্মীৰত (পিঅ’কে) জইছ-ই-মহম্মদ আৰু লস্কৰ-ই-তৈবাৰ নটা সন্ত্ৰাসবাদী ঘাটিত আক্ৰমণ চলাই বহু ঘাটি ধ্বংস কৰে। পাকিস্তানৰ অসামৰিক বিমান পৰিবহণ কৰ্তৃপক্ষই এই সিদ্ধান্তক সতৰ্কতামূলক ব্যৱস্থা বুলি উল্লেখ কৰি কয় যে কেৱল অত্যাৱশ্যকীয় বিমানৰ বাবে মুকলি হ’ব বুলি উল্লেখ কৰিছে ।
প্ৰকাশিত তথ্য অনুসৰি ভাৰতৰ আক্ৰমণৰ পিছতে পাকিস্তানে নিয়ন্ত্ৰণ ৰেখাৰ কাষত গোলাবৰ্ষণ বৃদ্ধি কৰিছে, যাৰ ফলত ভাৰতীয় পক্ষত ১২ জন লোক নিহত আৰু ৪২ জন আহত হৈছে। এই পৰিস্থিতিত ভাৰতেও পাকিস্তানৰ সীমান্তৱৰ্তী বিমানবন্দৰ যেনে শ্ৰীনগৰ, জম্মু, আৰু আমৃতসৰত অসামৰিক বিমান চলাচল বন্ধ কৰিছে বুলি জানিবলৈ দিছে।
সামৰিক বিশেষজ্ঞসকলে পাকিস্তানৰ পৰৱৰ্তী প্ৰতিশোধৰ সম্ভাৱনাৰ বিষয়ে সতৰ্ক কৰি কয় যে ই কেৱল প্ৰতিকাৰ নহয়, উত্তেজনা বৃদ্ধিৰো কাৰণ হ’ব পাৰে। ভাৰতৰ ৰাষ্ট্ৰীয় নিৰাপত্তা উপদেষ্টা অজিত ডোভালে কৈছে যে পাকিস্তানে অশান্তিৰ সৃষ্টি কৰিলে ভাৰতে কঠোৰ পদক্ষেপ গ্ৰহণ কৰিব। আন্তঃৰাষ্ট্ৰীয় সম্প্ৰদায়ৰ নেতা, যেনে আমেৰিকাৰ ৰাষ্ট্ৰপতি ড’নাল্ড ট্ৰাম্প আৰু জাতিসংঘৰ মহাসচিব এণ্টনিঅ’ গুতাৰেছ, দুয়োখন দেশক শান্তিৰ পথ বিচাৰি উত্তেজনা হ্ৰাস কৰিবলৈ আহ্বান জনাইছে। এই ঘটনাই বিশ্বজুৰি উদ্বেগৰ সৃষ্টি কৰিছে, কিয়নো দুয়োখন দেশৰ পাৰমাণৱিক শক্তিৰ ক্ষমতাই যুদ্ধৰ পৰিণামক ভয়াৱহ কৰি তুলিব পাৰে।
