‘অপাৰেচন সিন্দূৰ’ৰ পিছত ভাৰতে পাকিস্তানৰ সৈতে মুকলি ৰাখিছে সামৰিক আৰু কূটনৈতিক যোগাযোগ। লগতে সীমান্ত, আকাশ আৰু সাগৰত কঠোৰ চোৰাংচোৱাগিৰিৰ পৰিকল্পনাৰ কথাও। ৭ মে’, ২০২৫ত ভাৰতীয় বায়ুসেনাই পাকিস্তান আৰু পাক অধিকৃত কাশ্মীৰত জইছ-ই-মহম্মদ আৰু লস্কৰ-ই-তৈবাৰ নৱটা সন্ত্ৰাসবাদী ঘাটিত নিখুঁত ক্ষেপণাস্ত্ৰ হামলা চলায়, যিটো ২২ এপ্ৰিলৰ পহলগাম হামলাৰ প্ৰতিশোধ আছিল। ভাৰতীয় বৈদেশিক মন্ত্ৰণালয়ৰ মতে, পাকিস্তানৰ অসামৰিক ক্ষতিৰ দাবী মিছা অপপ্ৰচাৰ। ভাৰতে পাকিস্তানৰ সন্ত্ৰাসবাদৰ পৃষ্ঠপোষকতা ৰাষ্ট্ৰসংঘত উত্থাপন কৰি যাব আৰু আমেৰিকা, ব্ৰিটেইন, ৰাছিয়াৰ দৰে দেশক অভিযানৰ বিষয়ে অৱগত কৰিছে।
ৰাষ্ট্ৰীয় নিৰাপত্তা উপদেষ্টা অজিত ডোভালে কয় যে ভাৰতে উত্তেজনা বৃদ্ধি কৰিব নিবিচাৰে, কিন্তু পাকিস্তানৰ আক্ৰমণৰ প্ৰত্যুত্তৰ দিব। পাকিস্তানৰ প্ৰধানমন্ত্ৰী শ্বাহবাজ শ্বৰীফে দাবী কৰিছে যে তেওঁলোকৰ সেনাই ভাৰতীয় জেটৰ যোগাযোগ বন্ধ কৰিছে, কিন্তু ভাৰতে ইয়াক পৰস্পৰবিৰোধী বুলি খাৰিজ কৰিছে।
আন্তঃৰাষ্ট্ৰীয় নেতাসকলে শান্তিৰ আহ্বান জনাইছে। ড’নাল্ড ট্ৰাম্পে সংঘাতৰ দ্ৰুত সমাপ্তি কামনা কৰি বিবৃতি প্ৰকাশ কৰিছে। ব্ৰিটেইন, ৰাছিয়া, ফ্ৰান্সে সংযমৰ পোষকতা কৰিছে। ইফালে চীনে অভিযানক দুৰ্ভাগ্যজনক বুলি মত প্ৰকাশ কৰিছে, কিন্তু ইজৰাইলে ভাৰতৰ আত্মৰক্ষাৰ অধিকাৰক সমৰ্থন কৰিছে। ভাৰতে শ্ৰীনগৰ বিমানঘাটি ধ্বংসৰ কৰাৰ দৰে, পাকিস্তানৰ মিছা দাবী খাৰিজ কৰিছে। শান্তিৰ পথত আলোচনাৰ দুৱাৰ মুকলি ৰাখি ভাৰতে চাইবাৰ নিৰাপত্তা শক্তিশালী কৰি তুলিছে।
