এই পবিত্ৰ স্থানৰ বিশুদ্ধতা ৰক্ষাৰ বাবে বিজেপি চৰকাৰে এক ডাঙৰ পদক্ষেপ হাতত লৈছে। দেওবাৰে চৰকাৰে ঘোষণা কৰে যে দ্বাদশ শতিকা পুৰণি শ্ৰী জগন্নাথ মন্দিৰৰ পৰা ২ কিলোমিটাৰ দূৰত্বলৈকে সুৰা আৰু মাংস অঞ্চলটোত বিক্ৰী কৰিব নোৱাৰিব। বৰ্তমান সেই অঞ্চলত থকা সকলো সুৰাৰ দোকানত নিষেধাজ্ঞা জাৰি কৰা হ’ব। দেশৰ বিভিন্ন প্ৰান্তৰ পৰা ইয়ালৈ অহা তীৰ্থযাত্ৰীৰ প্ৰতি লক্ষ্যৰাখি চৰকাৰে এই পদক্ষেপ গ্ৰহণ কৰিছে বুলি সদৰী কৰিছে।
দেওবাৰে উৰিষ্যাৰ আইন মন্ত্ৰী পৃথ্বীৰাজ হৰি চন্দনে সংবাদ মাধ্যমক সম্বোধন কৰি চৰকাৰৰ এই সিদ্ধান্তৰ বিষয়ে অৱগত কৰে। তেওঁ কয়, “জগন্নাথ মন্দিৰৰ ২ কিলোমিটাৰ ব্যাসাৰ্ধৰ ভিতৰত কোনো ধৰণৰ মিশ্ৰিত খাদ্য বা সুৰা বিক্ৰী কৰিব নোৱাৰিব। সেই দূৰত্বৰ ভিতৰত অৱস্থিত সকলো বাৰতে এই নিষেধাজ্ঞা অব্যাহত থাকিব। একে প্ৰসংগত তেওঁ কৈছে, “জগন্নাথ মন্দিৰক গুণ্ডিচা মন্দিৰৰ সৈতে সংযোগ কৰা ২.৫ কিলোমিটাৰ দৈৰ্ঘ্যৰ গাণ্ডপথটো সুৰা বিক্ৰী কাৰিব নোৱাৰিব।”
মুখ্যমন্ত্রী মহবঞ্চৰন মাঝিৰ আৰু কেবিনেট সদস্য পৃথ্বীৰাজে কয়, আমি চহৰখন সজাই তুলিব বিচাৰো৷ ধর্মীয় নগৰী হিচাপে উন্নীত হ’ব নগৰখন৷ সেই উদ্দেশ্যে কেইবাটাও পৰিকল্পনা কৰা হৈছে। বড় দণ্ডা পথৰ দুয়োকাষৰ সকলো অট্টালিকা একে উচ্চতাৰ আৰু একে ডিজাইনত সজাই হ’ব। আনকি ব্যক্তিগত ঘৰৰ মালিকৰ লগতো আমি এই বিষয়ে কথা পাতিম। সেই পবিত্ৰ কৰিড’ৰ উন্নত কৰাৰ স্বাৰ্থত চৰকাৰে ইতিমধ্যে এই বিষয়ত নগৰ উন্নয়ন বিভাগৰ সৈতে আলোচনা আৰম্ভ কৰিছে বুলি সাদৰী কাৰিছে।
