কাছাৰ জিলাত নিয়োজিত আৰক্ষী বিষয়াগৰাকী গুটখা সেৱন কৰি মৃত্যু হোৱাৰ অভিযোগ উত্থাপন হৈছে।
মৃত যুৱকজন কাটিগোৰা বিধান সভা সমষ্টিৰ অন্তৰ্গত বিহাৰা আৰক্ষী আউটপোষ্টৰ ভাৰপ্ৰাপ্ত বিষয়া সুৰজিৎ ডেকা বুলি জানিব পৰা গৈছে।
সূত্ৰ অনুসৰি গুটখা সেৱন কৰাৰ কিছু সময়ৰ পিছতে ডেকা নিজৰ চৰকাৰী কোৱাৰ্টাৰৰ ভিতৰত অচেতন হৈ ঢলি পৰে। সহযোগী বিষয়া আৰু বাসিন্দাসকলে তেওঁক সহায় কৰিবলৈ লৰালৰিকৈ আহে দুৱাৰ ভাঙি তেওঁক উদ্ধাৰ কৰে।
প্ৰথমে তেওঁক স্থানীয় বিক্ৰমপুৰ চিকিৎসালয়লৈ লৈ যোৱা হয় যদিও তেওঁৰ সংকটজনক অৱস্থাৰ বাবে তেওঁক শিলচৰ চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰা হয়। দুখৰ বিষয় যে চিকিৎসাৰ সময়তে মৃত্যু হয় সুৰজিৎ ডেকাৰ ।
বিষয়াগৰাকীৰ আকস্মিক মৃত্যুৱে আৰক্ষী সমাজ ম্লান হৈ পৰিছে। ৰঙিয়াৰ বাসিন্দা ডেকা কৰ্তব্যৰ প্ৰতি নিষ্ঠাৰ বাবে পৰিচিত আছিল।
অবশ্যে গুটখা সেৱনৰ বাবে নে আন্য কাৰণত বিষয়াগৰাকীৰ মৃত্যুৰ হয়, সেয়া এতিয়া জ্ঞাত হোৱা নাই।
