প্ৰাচীন সভ্যতাৰ নিদৰ্শন উন্মোচিত হৈছে কৰ্ণাটকত। শেহতীয়াকৈ ৰাইচুৰ জিলাৰ মাস্কি চহৰত প্ৰত্নতত্ত্ববিদসকলে খনন অভিযান চলাইছে। তাতেই ৰন্ধনৰ বাচন আৰু মাটিৰ পাত্ৰকে ধৰি কেইবাটাও সামগ্ৰী উদ্ধাৰ কৰা হৈছে।
এইবোৰ প্ৰায় ৪০০০ বছৰ পুৰণি বুলি অনুমান কৰা হৈছে। সেই সময়ত এই অঞ্চলত জনবসতি গঢ়ি উঠিছিল। এই উদ্ধাৰ হোৱা সামগ্ৰীসমূহ তাত বাসিন্দাসকলে ব্যৱহাৰ কৰিছিল।
কৰ্ণাটকৰ এই প্ৰাচীন সামগ্ৰী উদ্ধাৰ হোৱা অঞ্চলটোৰ ওচৰতে আছে মল্লিকাৰ্জুন পাহাৰ আৰু অঞ্জনেয় স্বামী মন্দিৰ। ইতিমধ্যে এই ঠাইখন প্ৰত্নতত্ত্ববিদসকলৰ পৰিচিত। কাৰণ ইয়াৰ আগতে এই অঞ্চলৰ পৰা সম্ৰাট অশোকৰ ৰাজত্বকালৰ মুদ্ৰা আৱিষ্কাৰ হৈছিল। এইবাৰ আন এক প্ৰাচীন সভ্যতাৰ চিন আৱিষ্কাৰ হৈছে।
প্ৰত্নতত্ত্ববিদৰ দলটোত ভাৰতৰ ২০জনতকৈও অধিক গৱেষক আছিল। ইয়াৰ উপৰিও আমেৰিকা আৰু কানাডাৰ কেইবাগৰাকীও প্ৰত্নতত্ত্ববিদ আছিল। ষ্টেনফৰ্ড বিশ্ববিদ্যালয়ৰ অধ্যাপক এণ্ড্ৰুৱে নেতৃত্ব দিছিল এই খননৰ।
প্ৰত্নতত্ত্ববিদসকলৰ মতে খ্ৰীষ্টপূৰ্ব একাদশ শতিকাৰ পৰা চতুৰ্দশ শতিকালৈকে এই অঞ্চলত মানুহ বাস কৰিছিল। একে সময়তে তেওঁলোকে দাবী কৰে যে এই অঞ্চলত সম্ভৱতঃ এখন চহৰ আছিল। উদ্ধাৰ হোৱা সামগ্ৰীবোৰ দেখিয়েই এই ইংগিত পোৱা গৈছে।
প্ৰথমে মুঠ ২৭১ টা স্থান চিনাক্ত কৰি খননৰ কাম আৰম্ভ কৰা হয়। তাতেই এই প্ৰাচীন সভ্যতাৰ নিৰ্দশন আৱিষ্কাৰ হয়।
