অসমত ভোটাৰ তালিকাৰ বিশেষ পুনৰীক্ষণ (SIR)ৰ কথা ঘোষণা কৰাৰ পিছতে তৎপৰ হৈ পৰিছে কংগ্ৰেছ দ’ল। ভোটাৰ তালিকাৰ বিশেষ পুনৰীক্ষণ পূৰ্বে বুথ পৰ্যায়ৰ এজেণ্ট (বিএলএ) নিযুক্তি আৰু প্ৰশিক্ষণ আৰম্ভ কৰিছে অসম কংগ্ৰেছে। ৰাজ্যিক দলৰ মুৰব্বী গৌৰৱ গগৈয়ে কয় যে এতিয়ালৈকে প্ৰায় ২৮,৮৮০ গৰাকী বিএলএ পঞ্জীয়ন কৰা হৈছে, আৰু প্ৰশিক্ষণ চলি আছে। দেওবাৰে প্ৰথম ৰাউণ্ডৰ প্ৰশিক্ষণ সম্পূৰ্ণ হয়, আৰু মাহটোৰ শেষত এসপ্তাহজোৰা কাৰ্যসূচীৰ পৰিকল্পনা কৰা হৈছে বুলি জানিবলৈ দিছে। বিহাৰত ভোটাৰ তালিকাৰ হৈতে হেতালি খেলাৰ অভিযোগ সন্দৰ্ভত এজেণ্টসকলক অৱগত কৰা হৈছে, যি প্ৰমাণ ৰাহুল গান্ধীয়ে প্ৰদান কৰিছিল। বিএলএক আপত্তি আৰু দাবী দাখিল কৰাত সহায় কৰিবলৈও কংগ্ৰেছে নিজৰ আইনী দল প্ৰস্তুত কৰিছে।
গৌৰৱ গগৈয়ে কয় যে ৰাজ্যখনৰ জনগাঁথনিগত জটিলতাৰ বাবে অসমত এছ আই আৰ প্ৰক্ৰিয়াটো প্ৰত্যাহ্বানমূলক হ’ব, যিটো বিজেপি চৰকাৰে আৰু বেয়া কৰি তোলাৰ সম্ভাৱনা আছে বুলি মত প্ৰকাশ কৰিছে। তেওঁ ৰাষ্ট্ৰীয় নাগৰিকপঞ্জীৰ আচৰণক সমালোচনা কৰি ইয়াক “অনিশ্চিত” বুলি অভিহিত কৰি কয় যে নাগৰিকত্ব সংশোধনী আইনৰ নিৰ্দেশনা অনুসৰি বহু বাংলাভাষী লোকে এই আইনৰ অধীনত আবেদন কৰিবলৈ বাংলাদেশৰ বুলি শপতনামাত ঘোষণা কৰিবলৈ বাধ্য হয়।তেওঁ আৰু অভিযোগ কৰে যে অবৈধ অনুপ্ৰৱেশৰ সমস্যাটো সমাধান কৰাৰ পৰিৱৰ্তে বিজেপি চৰকাৰে দায়িত্বৰ পৰা আঁতৰি আছে। গগৈয়ে কয় যে অসমক সুৰক্ষিত কৰাৰ পৰিৱৰ্তে মুখ্যমন্ত্ৰীয়ে
