অসম চৰকাৰে ২০২৫ চনক ‘গ্ৰন্থৰ বছৰ’ হিচাপে ঘোষণা কৰি পঠন আৰু সাহিত্যৰ প্ৰসাৰৰ বাবে ৰাজ্যজুৰি আঠখন গ্ৰন্থমেলাৰ আয়োজন কৰিব। অসমৰ প্ৰকাশন ব’ৰ্ড আৰু অসম ৰাজ্যিক পাঠ্যপুথি উৎপাদন আৰু প্ৰকাশন নিগম লিমিটেডৰ দ্বাৰা পৰিচালিত এই মেলাসমূহ অক্টোবৰৰ পৰা জানুৱাৰীলৈ চলিব।
বঙাইগাঁ ২২-২৯ অক্টোবৰ, লখিমপুৰত ১-১০ নৱেম্বৰ, নলবাৰীত ৬-১৭ নৱেম্বৰ, যোৰহাটত ১৪-২৫ নৱেম্বৰ, তিনিচুকীয়াত ২৮ নৱেম্বৰ পৰা৭ ডিচেম্বৰ, শিলচৰত ১ পৰা ১০ ডিচেম্বৰলৈ, মঙলদৈত ১২-১৮ ডিচেম্বৰলৈ, আৰু ২৪ ডিচেম্বৰপৰা ৬ জানুৱাৰীলৈ গুৱাহাটীত গ্ৰন্থমেলা অনুষ্ঠিত হ’ব।
উল্লেখ্য যে কিতাপ পঢ়াৰ প্ৰতি উৎসাহিত কৰিবলৈ ৰাজ্যই নৱেম্বৰ মাহত প্ৰতিজন চৰকাৰী কৰ্মচাৰীক কিতাপ ক্ৰয়ৰ বাবে ১০০০ টকা প্ৰদান কৰিব, যাৰ বাবে প্ৰায় ৪০ কোটি টকা খৰচ হ’ব। ইয়াৰ উপৰিও সৃষ্টিশীল, বৈজ্ঞানিক, আৰু শৈক্ষিক ক্ষেত্ৰৰ ১০০০ যুৱ লেখকে ২৫,০০০ টকাকৈ আৰ্থিক সাহায্য হিচাপে লাভ কৰিব বুলি সদৰী কৰিছে। ইয়াৰ উপৰিও চৰকাৰে কিংবদন্তি গায়ক ভূপেন হাজৰিকাৰ ওপৰত এখন গ্ৰন্থ প্ৰকাশ কৰিব, যাৰ প্ৰতিলিপি দেশজুৰি বিশিষ্ট ব্যক্তি আৰু প্ৰতিষ্ঠানসমূহক বিতৰণ কৰা হ’ব।
প্ৰতিখন জিলা পৰ্যায়ৰ মেলাত ৫ লাখ টকা লাভ কৰাৰ বিপৰীতে সহ-জিলা মুখ্য কাৰ্যালয়ৰ অনুষ্ঠানসমূহে সুচাৰুৰূপে আয়োজন কৰাটো নিশ্চিত কৰিবলৈ ২.৫ লাখ টকা লাভ কৰিব বুলি সদৰী কৰিছে।
