ৰিলায়েঞ্চ ইণ্ডাষ্ট্ৰীজৰ ৪৮ সংখ্যক বাৰ্ষিক সাধাৰণ সভাত ৰিলায়েঞ্চ জিঅ’ ইনফ’কমৰ অধ্যক্ষ আকাশ আম্বানীয়ে Jioৰ নতুন কৃতিত্ব আৰু ভৱিষ্যত পৰিকল্পনাৰ বিষয়ে উল্লেখ কৰে। তেওঁ কয় যে জিঅ’ হটষ্টাৰ এতিয়া বিশ্বৰ দ্বিতীয় বৃহত্তম ষ্ট্ৰীমিং প্লেটফৰ্মলৈ পৰিণত হৈছে।
লগতে জিঅ’ই ভাৰতক বিশ্বৰ প্ৰথমটো এআই-নেটিভ ডিজিটেল অৰ্থব্যৱস্থা হিচাপে গঢ়ি তোলাৰ পথত আগবাঢ়িছে। আকাশ আম্বানীয়ে কয় যে, Jio Hotstar-এ ভাৰতৰ মিডিয়া জগতখন সলনি কৰি দিছে। মাত্ৰ কেইমাহমানৰ ভিতৰতে ৬০ কোটিতকৈ অধিক ব্যৱহাৰকাৰী সংযুক্ত হৈছে, য’ত ৭.৫ কোটি টিভিও সংযোগ হৈ আছে।
৩০ কোটি পেইড ছাবস্ক্ৰাইবাৰ থকা জিঅ’ হটষ্টাৰ এতিয়া বিশ্বৰ দ্বিতীয় বৃহত্তম ষ্ট্ৰিমিং প্লেটফৰ্ম আৰু এই কৃতিত্ব সম্পূৰ্ণৰূপে ভাৰততে সমাদৃত হৈছে। ইয়াত ৩.২ লাখ ঘণ্টাৰ কণ্টেণ্ট আছে, যিটো পৰৱৰ্তী দুটা অ’টিটি প্লেটফৰ্মৰ মুঠ কণ্টেণ্টতকৈ ছয়গুণ বেছি। প্ৰতিবছৰে ৩০ হাজাৰ ঘণ্টাৰো অধিক নতুন কণ্টেণ্ট সংযোগ কৰা হয়। Jio Hotstarৰ AI আৰু প্ৰযুক্তিয়ে কাহিনী চোৱা আৰু শুনাৰ উপভোগৰ ধৰণ সলনি কৰিছে।
