উত্তৰ প্ৰদেশৰ সোণভদ্ৰা জিলাত সংঘটিত হৈছে এক লজ্জাজনক ঘটনা। ২২ বছৰীয়া এজন যুৱকৰ বিৰুদ্ধে তিনিবছৰীয়া শিশুক ধৰ্ষণ কৰাৰ অভিযোগ উঠিছে। ঘটনাৰ পিছত অভিযুক্ত যুৱক জনে পলায়ন কৰিছে বুলি আৰক্ষীয়ে জানিবলৈ দিছে।
শুকুৰবাৰে সন্ধিয়া মহিলাৰ হেল্পলাইন নম্বৰ ১০৯০লৈ ফোন কৰাৰ পিছতে এই ঘটনা পোহৰলৈ আহিছে। সূত্ৰৰ মতে, কিশোৰীগৰাকীয়ে মাতৃৰ ফালৰ ককা-আইতাক লগ কৰিবলৈ গৈ থাকোতে অভিযুক্তই মিঠাই খুৱাই প্ৰলোভিত কৰি অপৰাধ সংঘটিত কৰে।
অতিৰিক্ত আৰক্ষী অধীক্ষক অনিল কুমাৰে জনোৱা মতে, ঘটনাৰ পাছত অভিযুক্তই শিশুগৰাকীক পুনৰ ঘৰত থৈ পলায়ন কৰে। ইতিমধ্যে গোচৰ ৰুজু কৰা হৈছে আৰু বিশেষ আৰক্ষী দলে পলাতক যুৱকজনক গ্ৰেপ্তাৰ কৰিবলৈ অভিযান চলাইছে।
শিশুগৰাকীক জিলা চিকিৎসালয়ত ভৰ্তি কৰোৱা হৈছে। চিকিৎসকে জনোৱা মতে, তেওঁৰ কোনো আভ্যন্তৰীণ আঘাত নাই আৰু বৰ্তমান সুস্থ অৱস্থাত আছে কিশোৰী গৰাকী।
