কৃত্ৰিম বুদ্ধিমত্তা অৰ্থাৎ আৰ্টিফিচিয়েল ইন্টেলিজেঞ্চ। কৃত্ৰিম বুদ্ধিমত্তাৰ জনপ্ৰিয়তা দিনক দিনে বাঢ়িছে। এইবাৰ আলবেনিয়াই AI ব্যৱহাৰ কৰি সমগ্ৰ বিশ্বৰ দৃষ্টি আকৰ্ষণ কৰিছে। দেশৰ কেবিনেটত স্থান দখল কৰিছে এআই মন্ত্ৰী। নাম ডায়ালা। যাৰ অৰ্থ সূৰ্য্য।
আলবেনিয়াই বিশ্বৰ প্ৰথমখন দেশ হিচাপে এই দৃষ্টান্ত গঢ়ি তুলিছে। প্ৰধানমন্ত্ৰী এডি ৰামাৰ মতে, পিক্সেলছ আৰু ক’ডিঙেৰে নিৰ্মিত ডায়ালাই দেশৰ দুৰ্নীতি ৰোধ কৰাত ভূমিকা ল’ব।
প্ৰধানমন্ত্ৰীয়ে নিজেই প্ৰশংসা কৰে মন্ত্ৰীসভাৰ এই ভাৰ্চুৱেল সদস্যগৰাকীক। তেওঁ কয় যে তেওঁ তেজ-মঙহৰ মানুহ নহয়। এআইয়ে প্ৰথমবাৰৰ বাবে কেবিনেট বৈঠকত অংশগ্ৰহণ কৰিব। এই পদক্ষেপ আলবেনিয়াক দুৰ্নীতিমুক্ত কৰাৰ বাবে।
হঠাৎ এই ধাৰণাটো কিয়? শেহতীয়াকৈ আলবেনিয়াত চৰকাৰী প্ৰকল্পৰ ওপৰত গুৰুত্ব আৰোপ কৰি বিভিন্ন পৰ্যায়ত দুৰ্নীতি ধৰা পৰিছে। দেশত আৰ্থিক জালিয়াতি, ড্ৰাগছ সৰবৰাহ, আগ্নেয়াস্ত্ৰ সৰবৰাহৰ দৰে বিভিন্ন স্তৰত অপৰাধ বৃদ্ধি পাইছে। সেইবাবেই ডায়ালা আহিছিল। এই মন্ত্ৰীয়ে মূলতঃ চৰকাৰী প্ৰকল্পৰ নিবিদাকে ধৰি একাধিক নথি-পত্ৰৰ স্বচ্ছতাৰ লগতে অপৰাধ প্ৰতিৰোধৰ বিষয়টোও চাব।
চলিত বৰ্ষৰ জানুৱাৰী মাহৰ পৰাই কাম কৰি আহিছে ডায়ালাই। প্ৰথম অৱস্থাত দেশখনৰ চৰকাৰী ৱেবছাইট ই-আলবেনিয়াত ভাৰ্চুৱেল এচিষ্টেণ্ট হিচাপে ব্যৱহাৰ কৰা হৈছিল। এই এ আই মানবীয়ে বিভিন্ন ধৰণৰ নাগৰিক সেৱা প্ৰদানত সহায় কৰিছিল। সেই কামত আপ্লুত হৈ প্ৰধানমন্ত্ৰীয়ে ডায়ালাক মন্ত্ৰী হিচাপে নিযুক্তি দিয়াৰ সিদ্ধান্ত লয়।
