টিভিকেৰ (Tamilaga Vettri Kazhagam) মুৰব্বী বিজয়ৰ সমাৱেশত নিয়ন্ত্ৰণহীন পৰিস্থিতিত ৩৯ জন লোকৰ মৃত্যু ঘটিছে। আহতসকল চিকিৎসালয়ত চিকিৎসাধীন হৈ আছে। থালাপতি বিজয়ে চলচ্চিত্ৰ জগতৰ পৰাই ৰাজনীতিত প্ৰৱেশ কৰিছিল। দক্ষিণৰ ছুপাৰষ্টাৰগৰাকী অন্যতম ধনী অভিনেতা।
যোৱা বছৰ ফৰ্চুন ইণ্ডিয়াৰ এক প্ৰতিবেদন অনুসৰি ২০২৪ বিত্তীয় বৰ্ষত দেশৰ ভিতৰতে সৰ্বাধিক এডভান্স টেক্স দিয়া চেলিব্ৰিটিৰ তালিকাত বিজয়ে বলীউডৰ কিং খান শ্বাহৰুখ খানৰ পিছতে দ্বিতীয় স্থানত আছিল।
বিজয়ে নিজৰ ছবি আৰু অভিনয়ৰ জৰিয়তে দক্ষিণৰ চিনেমাত এক অনন্য স্থান দখল কৰিছে। কেৱল ভাৰততে নহয় বিদেশতো তেওঁ সুপৰিচিত। ছবিত অভিনয় কৰাৰ উপৰিও বিজয়ে ব্ৰেণ্ড এণ্ডাৰছমেণ্ট আৰু ৰিয়েল এষ্টেট আৰু অন্যান্য উদ্যোগত বিনিয়োগৰ জৰিয়তে বহু ধন উপাৰ্জন কৰে।
ফৰ্বছৰ উদ্ধৃতি দি বিভিন্ন বাতৰিত প্ৰকাশ পাইছে যে থালাপতি বিজয়ৰ সম্পত্তিৰ পৰিমাণ প্ৰায় ৪৭৪ কোটি, যাৰ সৰ্বাধিক অংশ তেওঁৰ ছবিৰ আয়ৰ পৰাই আহে।
দক্ষিণৰ ছুপাৰষ্টাৰ থালাপতি অন্যতম ধনী অভিনেতা। তেওঁৰ চলচ্চিত্ৰৰ উপাৰ্জনে তেওঁৰ উপাৰ্জনত উল্লেখযোগ্য ভূমিকা পালন কৰে। খবৰ অনুসৰি বিজয়ে এখন ছবিৰ বাবে ১৩০ কোটিৰ পৰা ২০০ কোটি টকা লয়। যোৱা বছৰ ২০২৪ চনত অভিনেতা বিজয়ক তেওঁৰ GOAT (Greatest of All Time) ছবিৰ বাবে প্ৰায় ২০০ কোটি টকা দিয়া হৈছিল। ছবিখনৰ প্ৰযোজকে নিজেই এই কথা প্ৰকাশ কৰিছে।
ছবিৰ উপৰিও তেওঁ কোকাকোলা, ছানফিষ্টকে ধৰি বিভিন্ন ব্ৰেণ্ডৰ প্ৰচাৰ কৰি বহু ধন উপাৰ্জন কৰে। তেওঁৰ মুঠ সম্পদৰ ভিতৰত ৰিয়েল এষ্টেট বিনিয়োগ, চলচ্চিত্ৰ নিৰ্মাণৰ পৰা পোৱা আয় আৰু অন্যান্য বিনিয়োগো অন্তৰ্ভুক্ত।
যোৱা বছৰ ফৰ্চুন ইণ্ডিয়াই দেশৰ সৰ্বাধিক কৰ পৰিশোধ কৰা চেলিব্ৰিটিৰ তালিকা প্ৰকাশ কৰিছিল, য’ত বিজয়ৰ ধন-সম্পত্তি আৰু উপাৰ্জনৰ বিষয়ে স্পষ্ট ধাৰণা দিয়া হৈছে। দৰাচলতে বলীউডৰ কিং খান শ্বাহৰুখে দেশৰ ভিতৰতে সৰ্বাধিক এডভান্স টেক্স দিয়া চেলিব্ৰিটিৰ তালিকাৰ শীৰ্ষত আছে, বিত্তীয় বৰ্ষ ২০২৪ ত মুঠ ৯২ কোটি টকা টেক্স দিছিল। ৮০ কোটি টকা এডভান্স টেক্স আদায় দি এই তালিকাৰ দ্বিতীয় স্থানত স্থান লাভ কৰিছে দক্ষিণৰ ছুপাৰষ্টাৰ বিজয়ে।
ছুপাৰষ্টাৰ বিজয়ৰ ধন-সম্পত্তি আৰু বিলাসী জীৱনশৈলী স্পষ্টভাৱে প্ৰতিফলিত হৈছে তেওঁৰ প্ৰসাদোপম বগা সাগৰতীৰৰ বাংলোত, যিটো হলিউডৰ তাৰকা টম ক্ৰুজৰ বিচ হাউছৰ পৰা অনুপ্ৰাণিত বুলি কোৱা হয়। বিজয়ৰ বিলাসী বাংলোটো চেন্নাইৰ নীলংকাৰাইৰ সাগৰৰ পাৰৰ কেছুয়াৰিনা ড্ৰাইভত অৱস্থিত।
তেওঁৰ গাড়ীৰ এক আকৰ্ষণীয় সংগ্ৰহও আছে। খবৰ অনুসৰি থালাপতি বিজয়ৰ হাতত আছে ৰ’লছ ৰয়েচ গোষ্টৰ পৰা আৰম্ভ কৰি বিএমডব্লিউ এক্স৫-এক্স৬, অ’ডি এ৮ এল, ৰেঞ্জ ৰভাৰ ইভ’ক, ফৰ্ড মুস্তাংগ, ভলভো এক্সচি৯০ আৰু মাৰ্চিডিজ বেঞ্জলৈকে বহুতো দামী আৰু বিলাসী গাড়ী।
উল্লেখ্য যে তামিলনাডুৰ কাৰুৰত সংঘটিত দুৰ্ঘটনাৰ বাবেই বিজয়ৰ ৰেলীত প্ৰায় এক লাখ লোক সমবেত হোৱা বুলি কোৱা হয়। ৰেলীৰ সময়ত এগৰাকী ৯ বছৰীয়া কন্যা নিৰুদ্দেশ হোৱাৰ খবৰ বিয়পি পৰে আৰু তাইক বিচাৰিবলৈ ভিৰ গোট খোৱাৰ লগে লগে পৰিস্থিতি নিয়ন্ত্ৰণৰ বাহিৰলৈ গতি কৰে আৰু পদপিষ্টৰ ঘটনা ঘটে।
