মহাকাশ প্ৰেমীসকলে নিশাৰ আকাশত এক অনন্য দৃশ্য প্ৰত্যক্ষ কৰিবলৈ সাজু হৈছে। কাৰণ, আগন্তুক কেইদিনমানৰ ভিতৰত আন এক বিৰল পৰিঘটনা হ’বলৈ আগবাঢ়িছে। অহা মাহৰ আৰম্ভণিতে আৰম্ভ হ’ব সম্পূৰ্ণ চন্দ্ৰগ্ৰহণ। এই ঘটনাৰ সময়ত চন্দ্ৰটো আকাশত তেজৰ দৰে ৰঙা দেখা যাব। এই আচৰিত পৰিঘটনাটোক প্ৰায়ে ‘ব্লাড মুন’ বুলি জনা যায়।
নাছাৰ অফিচিয়েল ৱেবছাইটৰ মতে, একেটা পৰিঘটনাই আমাৰ আকাশখন নীলা আৰু সূৰ্যাস্ত ৰঙা কৰি তোলে, তাৰ ফলত চন্দ্ৰগ্ৰহণৰ সময়ত চন্দ্ৰটো ৰঙা-কমলা ৰঙৰ দেখা যায়। যদিও সূৰ্যৰ পোহৰ বগা দেখা যায়, তথাপিও ইয়াত বিভিন্ন ৰঙৰ পোহৰৰ ভৌতিক গুণ আছে। পৃথিৱীৰ বায়ুমণ্ডলৰ মাজেৰে পাৰ হৈ যোৱাৰ লগে লগে নীলা পোহৰ তুলনামূলকভাৱে সহজে বিকিৰিত হয়। আনহাতে, ৰঙা ৰঙৰ পোহৰ পোনে পোনে বতাহৰ মাজেৰে যাত্ৰা কৰে।
চন্দ্ৰগ্ৰহণৰ সময়ত চন্দ্ৰটো ৰঙা বা কমলা ৰঙৰ দেখা যায় কাৰণ আমাৰ গ্ৰহটোৱে বাধা নিদিয়া যিকোনো সূৰ্যৰ পোহৰ চন্দ্ৰপৃষ্ঠলৈ যোৱাৰ পথত পৃথিৱীৰ বায়ুমণ্ডলৰ ডাঠ স্তৰৰ মাজেৰে ফিল্টাৰ হৈ যায়। যেন পৃথিৱীৰ সকলো সূৰ্য্য উদয় আৰু সূৰ্যাস্ত চন্দ্ৰৰ ওপৰত পৰে।
কেইবাটাও সংবাদ মাধ্যমৰ বাতৰি অনুসৰি, চলিত বৰ্ষৰ প্ৰথমটো চন্দ্ৰগ্ৰহণ ২০২৬ চনৰ ৩ মাৰ্চত হ’ব। প্ৰায় ৫৬ মিনিটৰ বাবে চন্দ্ৰৰ ৰং ৰঙা হৈ পৰিব। এই ৰঙৰ পৰিৱৰ্তনক সাধাৰণতে ‘ব্লাড মুন’ বুলি কোৱা হয়।
সন্ধিয়া পূব এছিয়া আৰু অষ্ট্ৰেলিয়াৰ পৰা সম্পূৰ্ণৰূপে দেখা যাব ৰক্ত চন্দ্ৰ। সমগ্ৰ নিশা প্ৰশান্ত মহাসাগৰীয় অঞ্চলত আৰু উত্তৰ আৰু মধ্য আমেৰিকা আৰু দক্ষিণ আমেৰিকাৰ সুদূৰ পশ্চিম অঞ্চলত পুৱাৰ ভাগত দেখা যাব সম্পূৰ্ণ চন্দ্ৰগ্ৰহণ।
উল্লেখ্য যে মধ্য এছিয়া আৰু দক্ষিণ আমেৰিকাৰ বেছিভাগ ঠাইতে এই চন্দ্ৰগ্ৰহণ আংশিকভাৱে দেখা যাব। মন কৰিবলগীয়া যে আফ্ৰিকা বা ইউৰোপত কোনো চন্দ্ৰগ্ৰহণ দেখা নাযায়। এই চন্দ্ৰগ্ৰহণ ভাৰতৰ নতুন দিল্লী আৰু পাকিস্তানকে ধৰি প্ৰায় সমগ্ৰ এছিয়াত দেখা যাব। ইউৰোপ, এছিয়া, অষ্ট্ৰেলিয়া, উত্তৰ আমেৰিকা, দক্ষিণ আমেৰিকা, প্ৰশান্ত মহাসাগৰ, আটলাণ্টিক, ভাৰত মহাসাগৰ, আৰ্কটিক, এন্টাৰ্কটিকাৰ পৰা এই ৰক্ত চন্দ্ৰ দৃশ্যমান হ’ব।
আপুনি পোনপটীয়াকৈ সূৰ্যগ্ৰহণ চাব নোৱাৰিব, কিন্তু কোনো ধৰণৰ সুৰক্ষা সঁজুলি অবিহনে চন্দ্ৰগ্ৰহণ নিৰাপদে চাব পাৰিব। চন্দ্ৰগ্ৰহণ চাবলৈ চশমাৰ প্ৰয়োজন নাই। কিন্তু জ্যোতিৰ্বিজ্ঞানী আৰু জ্যোতিৰ্পদাৰ্থবিজ্ঞানীসকলে সাধাৰণতে এনে ঘটনাবোৰ ভালদৰে আৰু অধিক বিশদভাৱে চাবলৈ দূৰবীণ বা টেলিস্কোপ ব্যৱহাৰ কৰে।
